Hozircha hisob – 2:2
"Real" va "Manchester Siti" CHempionlar Ligasi pley-off bosqichida ro'baro keladigan bo'ldi.
Bu safar jamoalar 1/8 final yo'llanmasi uchun bellashadi. G'olib nomi ikki o'yin natijasiga ko'ra aniqlanadi.
Klublar qatorasiga 4-bor CHempionlar Ligasi pley-off bosqichida va oxirgi 6 mavsumda 5-bor bir-biriga duch keladi.
2020 yil "Manchester Siti" "Real"ni ikki o'yin natijasiga ko'ra (4:2) ECHL 1/8 finalida mag'lub etgandi.
2022 yil ushbu klublar yarim finalda bellashgan va "Real" "Manchester Siti"ni taslim qilgan (ikki o'yin natijasiga ko'ra 6:5).
Keyingi yil, 2023 yilda jamoalar yana final yo'llanmasi uchun kurashishiga to'g'ri keldi – omad "Manchester Siti"ga kulib boqdi (5:1).
2024 yilda esa "Real" "Manchester Siti"ni chorak finalda penaltilar seriyasida engdi (3:3 – birinchi o'yin, 1:1 – ikkinchi bahs, penaltilar seriyasida 5:4).
Qiziq, bu safar natija qanday bo'larkin?
Bosh sahifaga
288
