Ushbu raqib bilan barcha o'yinlar Osiyo CHempionlar Ligasi doirasida kuzatilgan. 2002 yil 3-saralash raundida Doxada 3:4 hisobida mag'lub bo'lgan "sherlar" Toshkentda raqibni 3:0 hisobida dog'da qoldirishgan. 2008 yil guruh bosqichida esa safarda 2:2 natijasi qayd etilgan. Toshkentda "Paxtakor" yana raqibdan kuchliroq ekanini isbotlagan - 2:0.
2010 yil nimchorak finalda "Garafa" 1:0 hisobida g'alaba qozongan. 2018 yil pley-offda ham o'z uyida raqib 2:1 hisobida zafar quchgan. Hozircha o'zaro to'qnashuvlarda 2 g'alaba, 1 durang hamda 3 mag'lubiyat kuzatilgan. Gollar urish bo'yicha ustunlik "Paxtakor" tomonda, 11-9.
“Paxtakor”ning Qatarning 6 klubiga qarshi jami 19 uchrashuvda maydonga tushgan. “Garafa” bilan eng ko'p duch kelgan – 6 bor. "Sadd" va "Duxayl" bilan to'rt martadan, “Qatar” SK va “Arabi” bilan ikkitadan, "Rayyan" bilan bir uchrashuv o'tkazilgan. Bu o'yinlarda 5 g'alaba, 5 durang va 9 mag'lubiyat kuzatilgan. Raqiblar darvozalari 26 marta ishg'ol qilinib, 30 to'p o'tkazib yuborilgan.
"Al Garafa" va "Paxtakor" jamoalari o'rtasidagi o'yin 4 fevral, seshanba kuni Toshkent vaqti bilan soat 21:00da boshlanadi.
Quyida ”Paxtakor” bilan to'qnash kelgan Qatar klublari va natijalar aks etgan.
“Al Garafa” - 3:0, 3:4, 2:2, 2:0, 0:1, 1:2
“Qatar” SK - 1:0, 0:0
“Al Sadd” - 1:1, 1:2, 2:2, 1:2
“Al Arabi” - 3:1, 1:0
“Duxayl” - 1:3, 2:2, 2:3, 0:3
"Rayyan" - 0:1.
 Al-Gharafa | AFC Champions League Elite West . 7-tur 04/02/2025, 21:00 - : - Boshlanmadi |  Pakhtakor Tashkent |
Bosh sahifaga
474