Karlo Anchelotti yaqinda Antonio Ryudiger va David Alabaning jarohatidan so'ng markaziy himoyachi borasida qiynalmoqda.
"Mundo Deportivo"ning yozishicha, murabbiy yana ikkita poziciya - himoya qanotlari bo'yicha ham xavotirda. Fran Garsiya va Lukas Vaskesning “Atletiko”ga qarshi derbidagi o'yinlari "Real" ustozini o'ylantirib qo'ydi. Bundan tashqari, Vaskes jarohat olib ham ulgurdi.
Federiko Valverde "Manchester Siti"ga qarshi o'ng qanotda o'ynashi kutilmoqda (urugvaylik futbolchi mavsum davomida bir necha bor bu poziciyada harakat qildi). Ferlan Mendi esa chap qanotda harakatlanishi mumkin.
Eslatib o'tamiz, "Manchester Siti" – "Real" uchrashuvi 11 fevral kuni Toshkent vaqti bilan 01:00 da boshlanadi.
Bosh sahifaga
206
