Mazkur turnirni tashkil etishdan maqsad O'zbekiston Respublikasi Prezidentining 2019 yil 4-dekabrdagi "O'zbekiston futbolini rivojlantirish mutlaqo yangi bosqichga olib chiqish chora tadbirlari to'g'risida"gi hamda 2020 yil 30-oktyabrdagi "Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida"gi Farmonlari ijrosini taminlash, o'quvchi yoshlarni vatanparvarlik ruhida tarbiyalash, ular o'rtasida do'stona munosabatlarni shakllantirish, iqtidorli yoshlarni sportga jalb etish hamda sportning futbol turini yanada ommalashtirish, o'quvchi-yoshlarning bahorgi tatil vaqtlarini mazmunli o'tkazish kabi vazifalarni o'z ichiga oladi.
Musobaqalar Farg'ona shahridagi 1-sonli bolalar va o'smirlar sport maktabi hamda viloyat futbol associaciyasi qoshidagi "Futbol markazi" maydonlarida tashkil etildi. "Navro'z" kubogi musobaqasining 2006-2007 yillarda tug'ilgan yosh futbolchilar o'rtasidagi bahslarda jami 12 nafar jamoa (216 nafar sportchi) ishtirok etdi. Yakuniy natijalarga ko'ra, mazkur yosh toifasida "Ipakchi" (Farg'ona) jamoasi birinchi o'rinni qo'lga kiritdi.
2008-2009 yillarda tug'ilgan sportchi yoshlar o'rtasidagi musobaqalarda jami 16 ta jamoa (288 nafar sportchi) qatnashdi va yakunda "Neftchi" futbol maktabi yoshlari birinchi o'ringa loyiq deb topildilar.
Musobaqa yakunida ishtirokchi jamoa va g'oliblarni taqdirlash marosimi o'tkazildi. O'zbekiston futbol associaciyasi vakili Mamur Saidqosimov, Farg'ona viloyati futbol associaciyasi birinchi vice-prezidenti Nosir Otaqo'zievlar ishtirok etgan taqdirlash marosimida ishtirokchilar va g'oliblarga turli darajadagi diplom, medal va esdalik sovg'alari topshirildi.
Bosh sahifaga
351