Bu o'yindagi g'alaba vakillarimiz uchun keyingi bosqich eshiklarini ochadi. Avvalgi turdan avval tajribali yoshlar murabbiyi Jamoliddin Rahmatullaev mulohazalarini bildirgan edi. Ikkinchi tur uchrashuvi oldidan yana bir mutaxassis Anvar G'ofurovning fikrlarini tingladik.
- Yoshlar terma jamoamizning Yamanga qarshi o'yini qanday taassurot qoldirdi? Havotirli kechgan ikkinchi bo'limchi?
- Avvalgi turda birinchi o'yinimiz bo'lishiga qaramasdan jamoamiz yaxshi harakat qildi va chakki taassurot qoldirgani yo'q. Ayniqsa birinchi bo'limni aytib o'tmoqchiman. Ikkinchi bo'limda Yaman terma jamoasi o'yinda va hisobda o'zgarish qilishga harakat qildi, bor imkoniyatini ishga soldi. Natijada gol urish uchun imkoniyat yaratishni boshladi. Bizning jamoa esa aksincha hisobni saqlab qolishga harakat qildi. Eng asosiysi kerakli natija qo'lga kiritildi.
- Biz oddiy deb qarayotgan raqiblar ham munosib qarshilik ko'rsatmoqda. Jamoamiz hali bor salohiyatini ko'rsatgani yo'qmi?
- Albatta. Bu bosqichda oson raqibni kutish juda noto'g'ri fikr. Har bir raqibni hurmat qilish kerak. Ko'p mamlakatlarda futbol yildan-yilga rivojlanmoqda. Zamonaviy futbol talablari ham oshib bormoqda.
- Indoneziya bilan o'yindan avvalgisidan farq qilishini kutishimiz mumkinmi?
- Birinchi turda kim qanday natija ko'rsatganiga etibor bermasligimiz kerak. Maydonga tushgan har bir futbolchi o'zining eng yaxshi o'yinini va murabbiylar ko'rsatmalarini bajarishga harakat qilishi zarur. Terma jamoamiz yaxshi futbolchilardan shakllangan. O'ylaymanki, bugun ular yaxshi natija ko'rsatishadi.
- Futbolchilarning ilk turdagi harakatlariga qanday baho berasiz? To'lqinbekovning boshqa poziciyada o'ynayotgani uning imkoniyatlarini cheklamayaptimi?
- Aziz To'lqinbekov uchun bu poziciya begona emas. Aziz ko'plab o'yinlarda aynan shu joyda to'p tepgan va yaxshi taassurot qoldirgan. Shuning uchun ham murabbiylar unga ishonch bildirishmoqda.
Bosh sahifaga
213
