"Bugungi g'alabadan xursandman. Buning uchun yigitlarga rahmat aytaman, lekin jiddiy o'yinlar hali oldimizda. Bugungi o'yinning natijasini unutib, keyingi bahslarga tayyorgarlik olib borishimiz kerak. Muhimi — o'zimiz uchun ochkolarni qo'lga kiritdik, endi bor etiborimizni navbatdagi o'yinlarga qaratamiz", -dedi Farhod Nishonov.
Shuningdek, musobaqada ikkinchi golini kiritgan jamoa sardori Muhammadali O'rinboev ham o'yindan so'ng fiklarini bildirdi.
"O'yin deyarli bizni rejamiz asosida o'tdi, desak bo'ladi. Gol kiritganimizdan so'ng raqibda ham imkoniyat bo'ldi. Lekin tanaffus payti jamoamiz bilan bu o'yinda yutishimiz kerakligini gaplashdik va bor imkoniyatimizni ishga soldik. Keyingi bosqichga chiqqanimizdan xursandmiz, biroq guruhdagi oxirgi o'yinda ham g'alaba uchun maydonga tushamiz", -dedi O'rinboev.
Malumot uchun, yoshlarimiz guruhdagi so'nggi uchrashuvni 19 fevral kuni Eronga qarshi o'tkazsa, chorak final uchrashuvlari 22, 23 fevral kunlari bo'lib o'tadi.
Bosh sahifaga
241
