Bunga qadar "Bolonya" 28-o'rinni olib, turnirni umumiy guruh bosqichidayoq tark etgan bo'lsa, o'tish bosqichida "Yuventus" PSVga, "Milan" esa "Feyenoord"ga imkoniyatni boy berdi. Faqatgina "Inter" kuchli 8 jamoa ichida to'g'ridan-to'g'ri pley-off bosqichiga yo'llanma olgan.
"PSV - "Yuventus" o'yinida ko'rindiki, Italiya jamoalari raqibning yuqori bosimiga dosh bera olmaydi. PSV darvozaboniga to'pni oshirmadi, ortga o'ynamadi, hatto hisobda ustunlik qilayotganda ham doimo oldinga harakatlandi.
"Yuventus"ning dastlabki 45 daqiqaligi menga yoqdi, ular yuqori pressing amalga oshirishdi va PSVni o'z darvozasiga yaqinlashtirmadi. Tanaffusdan keyin "Yuventus" 10 daqiqada ko'p kuch yo'qotdi va charchagandek ko'rinib qoldi. Balki Tiago Motta o'zgarishlarni ertaroq amalga oshirishi kerak bo'lgandir. U 10 daqiqa mobaynida assistentlari bilan ko'p narsalarni muhokama qilib o'tirdi.
"Milan" esa o'zini-o'zi qurbon qildi. Teo Ernandesning qizil kartochkasidan keyin murabbiy o'yinni qayta qura olmadi. Masalan, Ximenesni bekorga o'yindan olib tashladi.
"Atalanta"da esa birinchi o'yinda omad kelmadi. Biroq javob o'yinida "Bryugge" haqiqiy jamoa ekanligini namoyish qilib berdi. Ular "Atalanta"ni personal o'yin orqali mag'lub qilib, tezlik va texnikada ustunlik qildi.
Biz shunga amin bo'ldik-ki, A Seriya Evropaning yuqori templi futboliga dosh bera olmaydi. 2023/24 yilgi mavsumida liga o'sishga erishgandi. Biroq shundan keyin faqatgina ortga qadam tashlanmoqda", - dedi Kapello.
Bosh sahifaga
228