Toshkentda "Olimpik" jamoasi o'z uyida "Oq-tepa" klubini qabul qildi va 2:1 hisobida g'alaba qozondi. Uchrashuvning birinchi goli muallifi va o'yin davomida yaxshi o'yin ko'rsatgan Temur Mamasidiqov bahsdan so'ng saytimizga intervyu berdi.
— Temur aka, Pro ligadagi ilk g'alaba bilan tabriklaymiz. Dastlab o'yin haqida fikrlaringiz...
— Biz juda ham ko'p ruhiy tayyorgarlik ko'rdik. O'tgan turdagi durangdan keyin g'alaba qozonish bu yaxshi. Menimcha, o'yinga ruhiy jihatdan tayyorligimiz evaziga g'alaba qozondik.
— 1-bo'limda jamoa ko'p bora yaxshi hujumlar qildi, lekin ulardan foydalana olmadi. 2-bo'limda esa vaziyatlardan yaxshi foydalanildi. Tanaffus vaqtida bosh murabbiy qanday ko'rsatmalar berdi?
— Tanaffus vaqtida murabbiy bizga juda katta motivaciya berdi. "Bu bizning o'yin, yutish kerak", dedi. Vaziyatlardan foydalansak, o'yinimiz ochilib ketishini aytib o'tdi. Va biz vaziyatlardan unumli foydalandik.
— Jamoada hamma futbolchi yosh, shuningdek, turli xil jamoalardan kelgan. Jamoada ichki holat qanday?
— Ichki holat juda ham ajoyib. SHaroit ham zo'r. Bizni hozirdan Olimpiadaga tayyorlashmoqda. Klub ham shuning uchun ochildi.
Og'abek Samisov yozib oldi
Bosh sahifaga
583