Ushbu uchrashuvdan so'ng mehmonlar tarkibida faol harakat qilgan iqtidorli yarim himoyachi Ruslan Roziev fikrlari bilan o'rtoqlashdi.
- Ruslan dastlab o'yin haqida fikrlaringizni bildirib o'tsangiz...
- "Neftchi"ga qarshi o'ynaydigan jamoalar har doim yuz emas ikki yuz foiz kuch bilan harakat qilishadi. Raqibimiz "Yangier" ham biz bilan o'yinga juda yaxshi tayyorlangani ko'rinib turdi. Kurashlarda yutqazmaslikka intildi. SHuning uchun bizga biroz qiyin bo'ldi. Muhimi g'alaba qozondik. Menimcha namoyish qilgan o'yinimiz ham muxlislarga manzur keldi. Pro ligada har bir qo'lga kiritilgan ochkoni qadri baland. SHunday ekan barcha bahslarga jiddiy qaraymiz.
- Oldingi chiziq vakillaridan ayniqsa sizda gol urish qulay imkoniyatlar yuzaga kelyapti. Lekin ulardan samara chiqarishga qiynalmoqdasiz...
- Mashg'ulotlarda aynan shu jihat ustida murabbiyimiz Ilhom Mo'minjonov bilan ish olib boryapmiz. Fikringizni inkor qilmayman. "Olimpik" bilan ham, "Yangier" bilan ham o'yinlarda qulay vaziyatlar yuzaga kelgandi. Navbatdagi o'yinlarda vaziyatlardan foydalanishga harakat qilaman. Umid qilamanki menda bunday imkoniyat yana bo'ladi. Oldimga to'purar bo'lishni maqsad qilib qo'yganman.
- Ayni paytda Pro ligada to'p tepmoqdasiz. Bilishimizga qaraganda o'tgan mavsum ham mazkur liga jamoalaridan biri "Dinamo"dan ham taklif bo'lgan ekan...
- Men hozirda "Neftchi" azosiman. Nima uchun bu jamoani tanladim? Aslida Superliga jamoalaridan ham takliflar bor edi. Lekin elitada 7-8 o'rinlar uchun kurashgandan ko'ra "Neftchi" bilan Pro ligada chempionlik va Superliga yo'llanmasini qo'lga kiritganim yaxshiroq. Bilasiz, ushbu jamoa o'zining katta tarixiga ega. Ha, to'g'ri aytdingiz o'tgan mavsum "Dinamo"da bir hafta shug'ullangandim. Biroq "Paxtakor" qo'yib yuborishni istamagandi. Fursatdan foydalanib Farg'onadan uzoq yo'l bosib kelgan muxlislarimizga minnatdorchilik bildirib qolaman.
Bosh sahifaga
1102