"Ikki jamoa ham teng o'yin ko'rsatdi. Havo sovuq bo'lishiga qaramasdan shiddat yuqori bo'ldi deya olaman. Ochiq futbol guvohi bo'ldik. Bunday o'yinlarni televidinie orqali ko'rsatish kerak edi. Uchinchi o'rinni egalladik. Aslida maqsadimiz Superligaga yo'llanmani qo'lga kiritish edi. Mavsumni yuqori notada yakunlashimiz talab etilardi. "SHo'rtan" ham g'alabaga haqli edi. Kim vaziyatlardan foydalanib gol ursa o'sha jamoa g'alaba qozonardi. Yutuq baribir yoqimli.
Bu - futbol. Bugungi o'yin tarixda qoldi. Bu bilan to'xtab qolishi kerak emas. Qo'limizdan kelgancha elitaga yo'llanma olishga harakat qildik. Mavsum yakunidagi o'yinlarda tarkibimiz bilan bog'liq muammolar paydo bo'ldi, jarohatlar, diskvalifikaciyalar va hokazo. Natijada yosh futbolchilarga imkoniyat berdik. Lekin ular bir xil darajada to'p tepa olishmadi. Keyingi mavsum yaxshi tarkib jamlagan holda Superligaga qaytishga harakat qilamiz. Futbolda zaxirangiz yoki fundament bo'lmasa uzoqqa borib bo'lmaydi. Boshqa viloyatdan futbolchi tajribali ijrochilar olib kelinishiga qarshi emasman. Lekin doim zaxira bo'lishi kerak. Jamoadagi taqdirim rahbariyatning qo'lida, ertaga ishlaymizmi yo'qmi barini ular hal qilishadi",- deydi Jasur Hamroev.
Bosh sahifaga
129
