Murosasiz kechgan bahsda maydon egalari 2:1 hisobidagi g'alabani tantana qildi. Mazkur uchrashuvdan so'ng "So'g'diyona"ning ikkinchi goliga assistentlik qilgan Javohir Qahramonov saytimizga fikrlari bilan o'rtoqlashdi.
- O'yin haqida...
- "Surxon" bilan o'yinga yaxshi tayyorgarlik ko'rgan edik. Xudoga shukur muhimi g'alaba qozondik. Raqib ham uch ochko bilan ortga qaytishi mumkin edi. Omad bizga kulib boqdi. Muxlislarimiz qarshisida yutuqni nishonlashni zavqi boshqacha.
- "So'g'diyona" yangi mavsumga yopiq tarzda tayyorgarlik ko'rgandi. Jamoa sekin-asta yashirin kartalarni ochyaptimi?
- Biz har bir uchrashuvga g'alaba qozonish uchun maydonga tushamiz. Bu - futbol. Unda hamma narsa ro'y berishi mumkin.
- Demak hozirgi natijalar tayyorgarlikka bog'liq? Yoki murabbiy mahorati?
- Muvaffaqiyatlarda tayyorgarlikni ham, murabbiyni ham o'z o'rni bor. Barcha birlashsa g'alabalar kelaveradi.
- O'zbekiston milliy terma jamoasining mart oyidagi yig'inida ishtirok etdingiz. SHu bois "Surxon" bilan bahsga o'zingizni tayyorlash qiyin bo'lmadimi?
- Terma jamoadan taklif olishimni kutmagandim. Sekin-asta jamoaga kirishib olaman. Umuman olganda "Surxon" bilan uchrashuvda o'zimni yaxshi his qildim.
Abdulaziz Iskandarov yozib oldi
Bosh sahifaga
841