"Paxtakor 2:1 hisobida g'alaba qozondi. O'yinning o'ziga yarasha yutuq va kamchiliklari bo'ldi. Umuman olganda, ikki jamoa ham yaxshi o'yin o'tkazdi, deya olaman", – Jasur Abduraimov.
- Yaqinda murabbiylar shtabida o'zgarishlar yuz berdi. Yangi murabbiylarni o'zingiz taklif qildingizmi yoki klub rahbariyati?
- Bosh murabbiy doim yangi jamoaga o'zining yordamchilari bilan keladi. Hamma joyda shunday. Ularni o'zim taklif qildim.
- Zoxid Abdullaevning almashtirilishi qay darajada to'g'ri bo'ldi?
- Uning yoshini bilasizmi? Zoxid Abdullaev 37 yoshda. U charchadi. Ivan Nagaevga ishonch bildirdik. Balki ikkita hujumchi bilan o'ynashiiz kerakdir. Buning ustida mashg'ulotlarda ishlaymiz. Hujumchilarning ikkisi ham tezkor. Nagaev esa hali o'zining to'liq sport formasida emas.
- Qanotlarda tezkor futbolchilar bo'lishi kerak. Bugun qanotlarda o'ynagan futbolchilarga tezkorlik etishmadi...
- Bu tarkibni men yig'maganman. Qo'l ostimdagi bor futbolchilar bilan davra oxirigacha o'ynaymiz. Barcha futbolchilar harakat qilmoqda. "Paxtakor"da mahoratli ijrochilar bor. SHuncha yil bu klubda o'zim ishladim. Ularni yaxshi bilaman. Qaysidir vaziyatda omad etishmadi. Vaziyatlardan foydalana olmadik. Menimcha, "Paxtakor" va "Metallurg"da vaziyatlar teng bo'ldi.
- O'yin davomida hakamga nisbatan etirozlaringiz ko'p bo'ldi...
- Futbol – hissiyotli o'yin. Har qanday murabbiy o'yingacha mehnat qiladi. Oddiy misol, birinchi golni qarang. Men nazoratchi emasman. Murabbiyman, vazifam – futbolchilarni shug'ullantirish. Evropaga o'xshab hujumkor o'yinni yo'lga qo'yishga harakat qilamiz. Hamma xato qiladi. 50 ga 50 vaziyatlarda adashsa, mayli. Nimaga bizda futbol yo'q? Sal itarib yuborsa, jarima zarbasi belgilanmoqda, ozgina narsaga ham o'yinni to'xtatmoqda. Hakamlarga nazoratchilar qarashi kerak. Futbol shaxmat emas, "kontakli" o'yin.
Bosh sahifaga
263