Kecha AGMK jamoasi delegaciyasi Toshkent-Dubay-Doha yo'nalishi bo'ylab Qatar poytaxtiga etib bordi. Biz esa bu borada himoyachi Bobur Yo'ldoshevning fikrlari bilan qiziqdik.
- Assalomu aleykum. Bobur ayni paytda kayfiyatlar qanday? Jamoa Qatarga yaxshi etib bordimi?
- Qatar poytaxtiga sog' va salomat etib keldik. Kayfiyat alo darajada. Nasib qilsa o'zimizga kerakli bo'lgan natija yani OCHL guruh bosqichiga chiqishga harakat qilamiz.
- AGMKning OCHL guruh bosqichiga yo'llanma olishi bitta o'yinga bog'liq ekanligi qay darajada bosim yuklaydi?
- Barchasi bitta o'yinga bog'liq ekanligini va bosimni barcha tushunib turibdi. Lekin har doim maksimal darajada harakat qilib ijobiy natijaga erishish mumkin. Qo'limizdan kelgancha bor kuchimizni ishga solamiz.
- Avvallari klublarimiz fevral oyida xorijda yig'inni yakunlab, sparring raqiblar bilan o'ynab so'ng OCHLdagi ishtirokini boshlar edi. Endi bo'lsa vaziyat boshqacha...
- To'g'ri. Oldingi yillarda rasmiy o'yinlar o'tkazmay turib OCHLda maydonga chiqar edik. Ichki chempionatimizda to'rtta tur o'tdi. Biroz bo'lsada jamoa formaga kirib oldi. Mazkur jarayon bizga qo'l kelishiga ishonaman. "Al Garafa" bilan bo'ladigan o'yinda muxlislarni xursand qilishni niyat qilganmiz. O'ylaymanki ortimizga OCHL guruh bosqichi yo'llanmasi bilan qaytamiz.
- "Al Garafa"ni o'rganish jarayoni qanday bo'lyapti?
- Bu erga kecha etib keldik. Muhitga tezroq moslashishimiz lozim. Albatta raqibni ham kuchli va kuchsiz tomonlarini o'rganmoqdamiz.
Abdulaziz Iskandarov yozib oldi
Bosh sahifaga
301