Biroz avval "Navbahor" vakillarining xunuk ishlari haqida material chiqardik. Vada qilganimizdek, endi o'sha epizod haqida...
Penalti bormidi? (Quyida bir necha kishining fikrlarini keltiramiz)
Diyor Imomxo'jaev bu haqda allaqachon yozdi: "Har qanday mamlakatda futbol qoidaga qarab o'ynaladi, muxlisga qarab emas".
SHu gap rost bo'lsa, o'sha vaziyat 100 foizlik penalti edi. Fakt shu: oyoqlar o'rtasida "kontakt" bor edi; "Navbahor" o'yinchisi to'pga emas, Rashidovning tovoniga tegdi.
Bundan tashqari, muxlislar ayblayotgan Norsafarov o'sha vaziyatda penalti qo'ymaslik uchun hamma narsani qildi, 11 metrlik nuqtani ko'rsatishga qo'rqdi. U o'yinni davom ettirmoqchi edi, ammo VAR to'xtatdi. 27 yoshli referi vaziyatga uzoq tikilib qolganining sababi ham uning juratsizligi edi. Firdavs Norsafarov penalti belgilashga qo'rqqani uchun vaziyatni qayta-qayta kuzatdi, keyin orqaroqdagi epizodlarga murojaat qilib, offsayd va Sardorning qo'l harakatini ham tekshirib ko'rdi. Biroq, Norsafarov istasa ham, istamasa ham penalti bor edi!
Vaziyatga tajribali sharhlovchi Xayrulla Hamidov ham reakciya bildirishga ulgurdi:
So'zimiz oxirida o'yindan keyin hakamlarga tashlangan kishilarga yuzlanamiz. Vijdonan ayting, o'sha epizod narigi darvoza oldida ro'y bersa ham, hozirgi fikringizda qolarmidingiz?
Bosh sahifaga
308