Jahongir Abdurashidov: "Maydonda o'yinni emas faqat uch nafar hakamni ko'rdim. Bu futbol emas"

Uchrashuvdan so'ng mehmonlar bosh murabbiyi Jahongir Abdurashidov fikrlarini bildirib o'tdi.

"To'g'risi futbol ko'rmadim. Uch nafar hakamni ko'rdim, xolos. Pro ligada shunday bo'layotgan bo'lsa bilmadim. O'yinni qaytadan ko'rib chiqmasa bo'lmaydi. Yigitlar sovuqda mehnat qilib maydonga chiqmoqda, uch nafar hakam o'yin taqdirini hal qilmoqda. Ko'zimni oldida qanot hakami ikki marotaba o'yindan tashqari holatda bayrog'ini ko'tarmadi. Balki ataylab "Xorazm" jamoasi uchun o'zgartirib berishdimi hakamni? Bu futbol emas. Butun mavsum yaxshi o'tdi, lekin shu vaqtgacha bunday hakamlikni ko'rmagandim. To'g'risi hayron qoldim. Bunday bo'lishini kutmagan edim. Yigitlar ancha o'ziga kelib qolgandi, o'yinimiz ham chiqayotgandi. Bo'lmasa kecha yaqinda hakamlar haqida qaror qabul qilishdi. SHundan keyin ham bu holat bo'lyapti. 

Buyog'i qarorni homiylar qabul qiladi. Rejalar o'zgarib ketsak kerak",- deydi Abdurashidov.