"Bu yilgi PRO liga musobaqasini yuksak saviyada o'tkazgani uchun PFLga va O'FAga rahmat aytaman, bundan tashqari PRO ligani yuqori darajaga chiqishida Uzreport telekanalining ham hissasi katta bo'ldi.
Oldimizda g'alabadan boshqa vazifa yo'q edi. O'yinni shiddatli tarzda boshladik, shuning evaziga penaltiga ega bo'ldik. Penaltidan hatto jahon yulduzlari ham urolmaydi.
Bugungi o'yinning haroratiga to'g'risi futbolchilarimiz tayyor emasdi, sababi ko'p futbolchilar ikkinchi ligadan buyon o'ynab kelishmoqda.
Otabek Haydarov, SHukurali Po'latov kabi etakchilar bugun ayrim sabablarga ko'ra bizga yordam bera olishmadi. SHunga qaramay yigitlar iroda ko'rsatishdi. Butun O'zbekistonga bugungi o'yin orqali namoyish etishdi.
Oldimizga qo'yilgan vazifani ortig'i bilan bajardik.
Yaypan tumanining barcha aholisini Superliga bilan tabriklayman. Ularning oilalariga xursandchilik olib kirgan bo'lsak bundan juda ham mamnunmiz.
Kichik shaharchada futbol klubini tuzgan rahbariyatimizga minnatdorchilik bildiraman.
"Turon" doim yuqori o'rinlar uchun kurashib kelgan, Superligaga chiqdik. Endi Superligaga qolish uchun emas munosib ravishda ishtirok etishga harakat qilamiz. Tarkibimizdagi ko'plab yigitlarga ishonishda davom etamiz va keyingi mavsumda ham g'alabalar bilan muxlislarimizni xursand qilamiz deb o'ylayman", - deydi Islombek Ismoilov.
Video Islombek Ismoilov: "Turon" Superligada ham munosib ishtirok etmoqchi"
/ Kiritdi: BestMaster O'qilgan: 152
Bosh sahifaga
270
