Unga ko'ra agentlik futbolchining keyingi faoliyati bilan shug'ullanadi. SHu bilan bir qatorda "Odil Ahmedov" futbol akademiyasi tarbiyalanuvchilariga Evropa eshiklarini ochish ustida ish olib boradi. Undan tashqari agentlik, boshqa jamoa futbolchilari bilan ham ishlaydi.
Kompaniya, Ahmedov bilan "Krasnodar"da birga faoliyat olib borgan Marat Izmaylov bilan hamkorlikni yo'lga qo'ydi. "Sporting" va "Portu"dagi o'yinlari bilan muxlislar olqishiga sazovor bo'lgan Izmaylov ayni paytda Portugaliyada istiqomat qiladi va u agentlik mijozlarini aynan Portugaliya bozori orqali katta futbolga olib kirmoqchi.
"Men futbolda juda ko'plab do'stlar ortirdim va barcha aloqalarimni "Football Group" agentligiga topshirdim. Ular orasida Marat Izmaylov va uning agentlari ham bor. Undan tashqari, ustozim Villash Boash bilan ham tanishtiraman. O'ylaymanki, u yosh o'zbekistonlik istedod egalariga menga bergan imkoniyatini beradi. Yaqinda men bilan ancha yil birga to'p tepgan Xalk ham Evropadan klub sotib olish niyatini bildirdi va unga tarbiyalanuvchilarimiz ko'pligini aytib qo'ydim. EtoO, Roberto Karlos va Rossiya premer ligasida faoliyat olib borayotgan sobiq hamkasblarim bilan ham aloqalar saqlanib qolgan. Ularning yordamida futbolchilarimizni Evropaga chiqib ketishini chin dildan istayman. Yana, vodiyda shug'ullanayotgan bolalarni legioner saviyasiga chiqishlarida va chet el jamoalarida to'p tepib ketishlari ustida ish olib borishni niyat qilganmiz", - deydi Odil Ahmedov.
Odil Ahmedovning keyingi faoliyati, akademiyasining faoliyati va uning yangi qurilishi kutilayotgan bazasi, O'zbekiston terma jamoasi haqida katta video intervyuni tez kunlarda tomosha qilasiz.
Bosh sahifaga
313
29 Sentabr 2025, 19:41