“Final bellashuvida bunday hisob noodatiy hisoblansada, biz haqli ravishda g'oliblikka erishdik. Gol kiritilishini ko'proq kutishimizga to'g'ri kelgan bo'lsada, ungacha ham ko'plab vaziyatlarni yarata olgandik. Biz ishonch bilan o'yinni boshqarayotgandik va hisobni ochganimizdan keyin bellashuvni g'alaba sari etaklay oldik, yigitlar barcha jabhalarada benazir harakat qilishdi.
Ayni paytda fantastik hissiyotlar og'ushidaman. Mavsumda hech bo'lmasa bitta sovringa ega chiqishga loyiq edik. Klub bunga loyiq. Almashinuvlar yilida bu jamoa uchun judayam muhim sovrin bo'ldi. Jamoam doim nimadir yutishiga ishongandi. Bugun barcha kataloniyaliklar uchun baxtli kun. Haqli mukofot. Joriy mavsumda biz jamoada ko'plab o'zgarishlarni amalga oshirdik, shunga qaramay futbolchilar o'zlarini ko'rsata olishdi. Jamoaning aynan kubok o'yinlariga bo'lgan munosabatini alohida takidlagan bo'lardim. CHunki ushbu turnirda ko'plab qiyinchiliklarni engib o'tishga to'g'ri keldi. Biz sovringa chanqoq edik. Endi bizda ilk sovrin bor, ikkinchisini qo'lga kiritish uchun harakatni davom ettiramiz. Men o'zimni judayam baxtli his qilayaman.
De Yong va Messi – ajoyib futbolchilar. Leo bir necha yillardan buyon dunyoning eng yaxshi futbolchisi ekanligini isbotlab kelmoqda. U bugun ham foydali o'yini bilan buni barchaga namoyon etdi. SHuningdek Frenki ham. Umuman barcha futbolchilarimni takidlagan bo'lardim. Jamoam yuksak saviyada o'yin ko'rsata oldi.
Umid qilamanki, bu Messining “Barselona” safida Ispaniya kubogidagi so'nggi o'yini emas. Biz u jamoada qolishini istaymiz”, deya Kumanning so'zlaridan iqtibos keltirmoqda Marca.
Bosh sahifaga
259