Dushanbeliklar safida Tojikiston terma jamoasining o'zagini tashkil qiluvchi futbolchilarning soni ko'pligini inobatga olganda mazkur holatini tabiiy qabul qilishimiz mumkin. Xo'sh, Usmon Toshevning o'yin borasidagi fikrlari qanday? Bu borada mutaxassisga yuzlandik.
Zero oramizda "Istiqlol"ning g'alabasini tasodifga bog'layotganlar ham bor. Bu haqida murabbiy shunday dedi.
"Mening fikrimcha, bu tasodif emas. "Istiqlol" jamoasini yaxshi bilaman. Boisi terma jamoaning 9-10 nafar azosi shu klub futbolchilari hisoblanadi. Ijrochilarining imkoniyatlaridan xabarim bor. Yaxshi bilasiz, bugungi kunga kelib barcha mamlakatlarda futbol o'smoqda. SHu qatori Tojikistonda ham. Faqat taktik va texnik jihatdan ko'proq ishlansa ijobiy natijaga erishish mumkin. Tojikistonda iqtidorli futbolchilar ko'p. Past baho berish noto'g'ri bo'ladi, deb o'ylayman. Yuqorida takidlaganimdek futbolni qanday o'ynash kerakligini barcha bilib olgan. Oson mag'lub bo'ladigan jamoa qolmagan. Etibor bering barcha bir-biri bilan oxirigacha kurashyapti. Bizda futbol yaxshi, ularda yomon degan bilan ish bitmaydi. Ishlash va mehnat qilish kerak, xolos. Ko'proq izlanish, tahlil qilish va kitob o'qish lozim. Futbolda bir jamoa g'alaba qozonadi, ikkinchisi mag'lub bo'ladi. Kecha ikki jamoa ham ehtiyotkorlikka urg'u qaratdi. Natija uchun to'p tepdi. 15 kunda 6ta o'yin o'tkazish oson bo'lmaydi. Hamma jamoa keyingi bosqichga chiqishga harakat qiladi. Tojikistonda faoliyat olib boryapman, O'zbekistonda tug'ilib o'sganman. SHuning uchun ikki jamoaga ham omad tilab qolaman".
AGMK jamoasining raqibi birinchi bo'lim oxirida hisobni ochganidan so'ng, ikkinchi bo'limda himoyada o'ynagan holda qarshi hujumlarga tayanib harakat qildi. Qaysidir manoda Vitaliy Levchenko to'g'ri taktika tanlay oldi. Usmon Toshev shu haqida ham to'xtalib o'tdi.
"Bu uning fikri va tanlagan uslubi. Levchenko qanday ko'rsatma berganini bilmayman. CHetdan kuzatgan inson sifatida aytishim mumkinki, "Istiqlol" jamoaviy yaxshi himoyalandi. O'zi yaratgan vaziyatlardan unumli foydalanishga harakat qildi. Qarshi hujumlardan samara chiqarishga intildi.
O'tgan yili OCHL o'tish o'yinida "Lokomotiv"ni Toshkentda mag'lub etgan dushanbeliklar bu mavsum AGMKdan ustun keldi. Bu nima bilan bog'liq?
"Mazkur holatni hech qanday bog'liqlik va hayratlanarli joyi yo'q. "Istiqlol" "Lokomotiv"ni mag'lub etgan uchrashuvni ham stadiondan kuzatgandim. Unda boshqacha o'ynashgandi. Kechagi bahs bilan solishtirganda o'yin suratida farq bor. Bitta bahs bo'lgani uchun masuliyat yuqori bo'lgan. Aytganimdek Tojikistonda futbol o'smoqda",- deya so'zlarini yakunladi Usmon Toshev.
Abdulaziz Iskandarov yozib oldi
Bosh sahifaga
226