Afsuski, "sherlar" amirliklarga 1:4 hisobida imkoniyatni boy berib qo'yishdi. Uchrashuvdan keyingi matbuot anjumanida "Paxtakor" bosh murabbiyi Piter Xyuistra quyidagi fikrlarni bildirib o'tdi.
"Biz uchun yomon natija. Raqibdan bir futbolchi o'yin taqdirini hal qildi. Kayo barcha ishni bajarib berdi. Endi keyingi bahs haqida o'ylashimiz kerak. Guruhdagi holatimiz juda yomonlashdi. Endi faqat g'alabalar bizga yordam berishi mumkin.
Yuqori saviyali futbolchilar ketishi tasir qiladi. Bellashuvni hal qiladigan o'yinchilarning o'rnini to'ldirish qiyin. Bizda Masharipov yo'q, endi yoshlarni o'stirishga intilamiz. Ular shunday o'yinlarda o'sib borishadi. O'z kuchimizga ishonib, navbatdagi bahsga tetik holda hozirlik ko'rishimiz zarur.
Rashidovning holatini to'liqroq endi bilib olamiz. Umid qilamanki, u hali bizga yordam beradi.
"SHarja" guruhda juda yaxshi holatda. Lekin jamoalar deyarli yaqin saviyada va hali barcha narsa o'zgarib ketishi mumkin", - dedi Xyuistra.
Eslatib o'tamiz, ushbu jamoalar to'rtinchi turda yana bir-birlariga qarshi bahs olib borishadi. Uchrashuv 23 aprel sanasida bo'lib o'tadi, o'yinning boshlanish vaqti 23:00.
OCHL-2021 guruhlardagi holat >>>>> OCHL-2021
Bosh sahifaga
335
9 Oktyabr 2025, 11:29