BAAning "SHabab Al Ahli " klubiga qarshi kechgan uchrashuvda Mirjalol Qosimov shogirdlari iroda ko'rsatgan holda 0:1 hisobida ortda borayotib, yakunda 2:1 hisobida g'alabani tantana qildi. Jamoaning g'alaba goliga qo'shimcha daqiqalarda Akrom Komilov mualliflik qildi. Biz esa uchrashuvdan so'ng bevosita futbolchining fikrlari bilan qiziqdik.
"O'yin haqida nima ham derdim? Qiyin bahsni o'tkazdik. Raqib ham g'alaba uchun bor kuchini ishga soldi. Zero, ularni durang qoniqtirmasdi. SHunga yarasha munosib tayyorgarlik ko'rdik. Murabbiylarimiz o'tgan o'yindagi xatolarimizni ko'rsatishdi. Nima etishmayotganini tushuntirishdi.
Darvozamizdan birinchi bo'lib to'p o'tkazib yuborganimizga qaramasdan, o'zimizda kuch topa oldik. Ikki golda ham barcha birdek harakat qildi.
Zarba yo'llashimdan oldin qaradim va darvozabonning yaqin burchagi ochiqligini ko'rdim. To'p yo'nalishini o'sha joyga to'g'irlab zarba berdim. Ichimda gol bo'lishini sezib tepganim yo'q. SHunchaki o'sha vaziyatda tezkor qaror qabul qilishim kerak edi. Xudoga shukr, to'p darvozadan o'rin oldi. G'alaba bilan barchani tabriklayman", - deydi Komilov.
Bosh sahifaga
299