- Albatta bu futbol va unda ayniqsa, kubok bahslaridan natijani oldindan aytish qiyin. Oldingi o'yinlardagi natijalardan keyin futbolchilarimizning ruhiy holatlari yaxshi emasdi hamda bu o'yin davomida ham sezilib turdi. SHogirdlarimni qo'llab-quvvatladik, madad berdik. SHunday bo'lsa-da, futbolchilarda xato qilishdan qo'rqish kuzatildi. Ammo baribir, Superliga va Pro-liga jamoalari o'rtasida farq bor va bu yakunda urilgan gollarda o'z aksini topdi.
- Nima uchun birinchi bo'limda jamoaning o'yini unchalik qovushmadi? SHuningdek, serbiyalik futbolchilar nima uchun maydonga tushishmadi?
- Serbiyalik legionerlarimizning turli darajadagi jarohatlari borligi sababli, maydonga tusha olishmadi. SHuningdek, Davron Hoshimovda ham biroz jarohat bor edi. SHuning uchun tavakkal qilishni xohlamadik va ularni maydonga tushirmadik.
Birinchi bo'limda o'yin asabiy tarzda kechdi. Bunga esa takidlaganimdek, yigitlarning ruhiy holatlari ham o'z tasirini o'tkazdi. SHunday bo'lsa-da, jamoamizda har ikki bo'limda ham ko'plab xavfli vaziyatlar yuzaga keldi,
faqat ulardan foydalanishda yigitlar biroz oqsashdi.
SHuningdek, o'yin va mahorat borasida ham shogirdlarim ustunliklarini namoyish etishdi.
“Navbahor” PFK matbuot xizmati
Bosh sahifaga
221
13 Oktyabr 2025, 09:29