Afsuski, toshkentliklar 87-daqiqada o'tkazib yuborilgan gol evaziga g'alabani qo'ldan chiqarishdi. O'yindan keyingi matbuot anjumanining ikkinchi qismida "sherlar" bosh murabbiyi Piter Xyuistra va hujumchi Eren Derdiyok ishtirok etdi.
"SHarja" ustozi: "Durang bizni mutlaqo qoniqtirdi"
"O'yinni vaqtliroq tugatishimiz kerak edi. Juda ko'plab vaziyatlar yaratdik, o'yinni to'liq nazorat qildik. Ko'proq gol ursak bo'lardi. Golni esa yon qanot hakamining tushunarsiz tarzda bayrog'ini ko'targanidan so'ng o'tkazdik. Futbolchilar o'sha holatda to'xtab qolishdi. 70% to'pni nazorat qilib bir ochkoni qo'lga kiritish juda alamli", - dedi Xyuistra.
- 80-daqiqada sizdan taktik o'zgarish kutgandim. Tarkibda yosh va qariya o'yinchilar bor, ular charchab qolishgandi. Nega qo'shimcha himoyachi tushirilmadi?
- Noto'g'ri savol. I.Yo'ldoshevni shuning uchun tushirgandik. O'zgarishlardan qoniqdim. Bu kuchli musobaqa, shuni ham inobatga olish kerak. Hozir boshqa guruhlardagi holatni kutishga majburmiz. Bugun ishonchli g'alabaga munosib edik. Afsuski, futbolda shunday omadsizlik uchrab turadi.
- Nima uchun murabbiylar shtabidan hech kim Sayfievga gapirmaslik kerakligini aytmadi?
- Bugun shunday bo'lib qoldi. To'g'ri, bugun u ehtirosga berildi. Bu borada ishlanadi.
E.Derdiyok: "O'yinni boshqardik va so'nggi daqiqada gol o'tkazib qimmatli ochkoni yo'qotdik. Keyingi ikki bahsda g'alaba qozonib guruhdan chiqishga urinib ko'ramiz.
- Jamoa hujumida oqsash kuzatilyapti. Muammo nimada?
- Bu borada har bir mashg'ulotda ishlayapmiz. O'yindan o'yinga shakllanish bo'lyapti. Raqib himoyachilarini ham unutmaslik kerak. Bu musobaqada yaxshi jamoalar yig'ilgan.
Eslatib o'tamiz, guruhda 4-turdan keyin "SHarja" 8 ochko bilan peshqadamlikni saqlab turgan bo'lsa, "Paxtakor" 3 ochko bilan uchinchi o'rinda bormoqda.
Bosh sahifaga
301