Ushbu uchrashuvda mehmonlar maydon egalariga munosib qarshilik ko'rsata oldi va yakunda bir ochkoga ega chiqdi. O'yindan so'ng "So'g'diyona"ning tajribali futbolchisi Iskandar SHoyqulov saytimizga fikrlarini bildirib o'tdi.
"Bunyodkor" maydonida ketma-ket ikkinchi bor durang qayd etdik. Boz ustiga kubok bahsi bo'lgani uchun asosiy tarkibning bir nechta futbolchilariga dam berildi. Ularning o'rniga maydonga tushgan yosh futbolchilar ham o'zlarini ko'rsatishga harakat qilishmoqda. Umuman olganda o'yin ikki jamoa uchun ham yaxshi o'tdi, deya olaman. Ayrim vaziyatlarda xatoga yo'l qo'ymaganimizda g'alaba qozonishimiz ham mumkin edi.
Keyingi bosqichga chiqishimiz uchun imkoniyat bor. O'z maydonimizdagi o'yinda g'alaba qozonishimiz shart.
Uch kun oldin "Nasaf"ga qarshi og'ir o'yin o'tkazgandik. "Bunyodkor" bilan bahsga tiklanish qiyin bo'lgani yo'q. CHunki mavjud vaziyatga ko'nikib bormoqdamiz. Raqibning kuchli tomonlarini bilardik va buni bartaraf etishni uddasidan chiqa oldik, deb o'ylayman", - deydi SHoyqulov.
Bosh sahifaga
307