Video  Mikael Sekeyra: "Aral Samali" yanada kuchayishi va rivojlanishi uchun tabiiy maydonda o'ynashi kerak"

Muxlislarga kattakon rahmat aytaman. Ular bizni juda yaxshi kutib olishdi. O'yin boshida maydon suniy bo'lgani uchun bizga biroz qiyin bo'ldi. 20-daqiqadan keyin maydonga moslashib oldik va o'z o'yinimizni ko'rsata boshladik. Natija ham adolatli bo'ldi deb o'ylayman. "Lokomotiv"ni bu g'alaba bilan tabriklayman. 9 ochko bilan guruhda birinchi bo'ldik. "Aral Samali" jamoasiga ham rahmat aytaman, ular bizni yaxshiroq o'ynashga majbur qila olishdi. Juda yaxshi jamoa yig'ilgan. Bizning jamoa oxirigacha kurashishdi va natija qo'lga kiritildi.

- Kaxi Maxaradze kecha elon qilingan qaydnomada bor edi. Bugun esa uni ko'rmadik.
- Maxaradzening kichik jarohati bor edi shu bois Nukusga olib kelmadik.

- Marat Bikmaev O'zbekiston terma jamoasida o'ynagan va Qoraqalpog'istonda muxlislari juda ko'p. Biroq maydonga tushmadi...
- Bugun 19 yoshli Igor CHikrizovga imkon berishga qaror qildik. SHu bois Bikmaevni zaxirada qoldirdik.

- "Aral Samali" safida qaysi futbolchini jamoaingizga olib ketgan bo'lardingiz...
- To'g'risi bir futbolchini alohida ko'rsata olmayman. Biroq "Aral" jamoaviy jihatdan ancha yaxshi harakat qilganini takidlay olaman.

- Hozir pandemiya davom etmoqda, "Lokomotiv" buni qanday engmoqda? Hech kim kasallanmadimi?
- Yaxshi savol berdingiz. Biz barcha sanitar qoidalarga rioya qilayapmiz. SHifokorlarimiz buni qatiy nazorat qilishmoqda. Bizdan hech kim kasallangani yo'q, kasal bo'lmasin ham.

- "Aral Samali"ning to'g'rilashi kerak bo'lgan 3ta xatosini sanab bera olasizmi?
- Bu savolga javob berishga qiynalaman. Sababi men o'z jamoamni kuzataman. Ikkinchi taymda boshqa uslubda harakat qildik va zaxiradan tushgan futbolchilarni ko'rib olmoqchi edim.

- Stadion holati haqida nima deya olasiz?
- Suniy maydonda o'ynash ancha qiyin, buning ustiga kichikroq ham. "Aral Samali" jamoasi ko'tarilishi va rivojlanishi uchun yanada yaxshiroq stadionda o'ynashi kerak. Suniy maydonda o'ynash futbolchilarning kelajagiga tasir qilishi va rivojlanishi uchun to'siq bo'lishi mumkin.