O'zbekiston Kubogi. Mikael Sekeyra nukuslik muxlislar talabini qondirgan, "Loko" yoshlari o'zini ko'rsatgan o'yindan FOTOMAQOLA

Ushbu uchrashuvdan olingan to'liq fotogalereyani saytimizning maxsus bo'limi orqali ham tomosha qilishingiz mumkin. >>>>>> FOTOGALEREYA

FOTO: Mirjalol Normatov

Uchrashuvga bo'lgan qiziqish yuqori darajada bo'lganini shu ikki rasm orqali tasvirlab bera oldik, deb o'ylayman. Haqiqatdan ham, kecha stadionning to'rt tomoni muxlislar bilan o'rab olingandi. 

"Loko"ning zaxirasi. Mikael Sekeyra miks-tarkib bilan o'yinni boshlashni afzal ko'rdi.

Garchi uchrashuvda mezbonlar hisobni ochgan bo'lishiga qaramasdan, "Loko"ning yosh futbolchisi Jaloliddin Jumaboev tezda hisobni tenglashtirdi. U burchakdan uzatilgan to'pga boshi bilan zarba yo'llab, "temiryo'lchilar"ning gollar shousini boshlab berdi.

Oradan ko'p o'tmay, Azizbek Amonov ajoyib goli bilan jamoasini hisobda oldinga olib chiqdi.

Qoraqalpog'istonlik muxlislar tartibli muxlislik qilishdi. To'p "Loko" futbolchilariga tushganida bosim o'tkazishmadi, bosh hakam tomoniga "toshlar" otilmadi. Ular shunchaki o'yindan zavq olishdi.

Uchrashuvda "Loko"ning yosh futbolchilari ajoyib o'ynashdi. Javohir Alijonov, Jaloliddin Jumaboev, Ibrohim G'anixonov va Igor CHikrizov kabi futbolchilar mahorati raqiblarinikidan ko'proq va yaxshiroq ekanligini maydonda ko'rsata olishdi.

Ikkinchi bo'limda ham to'liq ustunlik poytaxtliklar tomonida bo'ldi. Hisob yiriklashganidan keyin muxlislar "Loko" bosh murabbiyidan SHerzod Fayziev, Temurxo'ja Abduholiqov, Diyorjon Turopov, Islom Qobilov va Marat Bikmaev kabi futbolchilarni maydonga tushirishni so'radi. Sekeyra esa ularning iltimosini erda qoldirmadi. Faqatgina Marat Bikmaev bunga qadar tizzasidan bir necha bora jarohat olgani va maydon suniy bo'lgani uchun zaxirada qoldirildi.

Uchrashuv yakunlanganidan keyin hech kim bir-biridan hafa bo'lmadi. Qoraqalpog'istonlik muxlislar futboldan zavq olishdi. Ajoyib futbol uchrashuvi "Lokomotiv" foydasiga 5:1 hisobidagi g'alaba bilan yakunlandi.