LaLiga. CHempionlik uchun kurashayotgan "Barselona" o'z stadionida mag'lubiyatga uchradi

78. Messining jarimadan yo'llagan to'pi jonli devorga tegib qaytdi, hujumning ikkinchi to'lqini ham muvaffaqiyatsizlik bilan yakun topdi.

77. "Barselona" yaqindagina maydonga tushgan Dembele qanoti orqali hujum tashkil qilishga urinmoqda.

72. O'zgarishlar: Moriba va Mingesa o'rniga Dembele hamda Pedrilar maydonga tushishdi.

69. "Barselona" ustozi endi tribunadan turib telefon orqali assistentiga ko'rsatmalar bermoqda.

66. CHetlatish: "Barselona" bosh murabbiyi Ronald Kuman so'zlari uchun chetlatildi. Endi u bahsni tribunadan tomosha qiladi.

63. GOOOL! "Granada" hisobni tenglashtirdi! Darvin Machis "Barselona" himoyachisining xatosidan foydalanib, Ter SHtegen darvozasini ishg'ol qildi.

60. "Barselona" huddi raqib jarima maydonchasi oldida baza qurib olib, raqibni o'qqa tutayotganga o'xshaydi, ammo birinchi golni hisobga olmasak, "Granada" himoya qo'rg'oni yaxshi himoyalanmoqda.

58. "Barselona"ning raqib darvozasi oldida uzoq vaqt tashkil qilgan hujumi muvaffaqiyatsiz yakun topdi.

51. SOLDADO... Roberto qulay vaziyatda zarba berishni o'rniga yana raqiblarni aldashga urindi va to'psiz qoldi.

47. ZARBAAA... Antuan yaqin masofadan "Granada" darvozasini ishg'ol qilishni uddalay olmadi.

46. Ikkinchi bo'lim boshlandi.

TANAFFUS

43. Sariq kartochka. Messini ochiqchasiga qo'li bilan ushlab qolgan Peres jazolandi.

40. Soldado "Barselona" darvozasi oldida xavfli vaziyat yaratdi, uning zarbasidan to'p himoyachiga tegib, maydonni tark etdi.

36. ZARBAAAA... Busketsning "qimmatbaho" uzatmasidan so'ng Leo raqib darvozaboni bilan deyarli birga-bir chiqdi, ammo uning zarbasidan so'ng to'p darvoza yonidan o'tib ketdi.

34. "Granada" futbolchisi to'p uchun kurashda jarohat olgan ko'rinadi.

32. Leo zarba bermadi va jarimani pas orqali boshladi. Serxi Roberto tezda o'ng qanotda ochilib, to'pni markazroqqa uzatdi, ammo to'pga zarba beradigan kataloniyalik topilmadi.

31. "Granada" jarima maydonchasi oldida Messi erda yotibdi, Leo raqibga to'qnashib ketib, labini shikastlab oldi. Bosh hakam esa qoidabuzarlik bo'lganini xushtagi bilan elon qildi.

23. GOOOL! Messi-Grizmann juftligi ajoyib golni yaratishdi. Jarima maydonchasi ichida Messidan to'pni qabul qilgan Antuan darvozaga o'girildida to'pni Leoga qaytardi. Argentinalik forvard esa o'tkir burchakdan qarama-qarshi burchakni nishonga oldi va hisobni ochdi.
 

19. ZARBAAA! Messidan to'pni qabul qilgan Grizmann raqib darvozasini ishg'ol qilish uchun zarba berdi, ammo darvozabon qiyinchiliksiz to'pni egallab oldi.

15. O'yin tempi baland emas, Kataloniya jamoasi to'pni o'zida ushlab, kombinacion hujum tashkil qilishga harakat qilmoqda.

10. Kataloniya klubi dastlabki 10 daqiqa ichida bir marta golli vaziyat yaratdi, ammo mehmonlar so'nggi zarbaga imkon berishmadi.

3. Uchrashuv har doimgidek - "Barselona"ning to'pni o'z nazoratiga olishi bilan boshlandi.

1. Uchrashuv boshlandi.

"Barselona" – "Granada"

22.00, "Kamp Nou"

"Barselona" – ter Stegen, Serji Roberto, Mingesa, Umtiti, Alba, Buskets, Moriba, de Yong, Pike, Messi, Grizmann.

"Granada" – Eskandel, Fulke, Peres, Dias, Kini, Eteki, Errera, Machis, Xerman Sanches, Suares, Soldado.