Sovrindorlar malum: "Paxtakor" - chempion, "Nasaf" - kumush va AGMK - bronza medallar sohibi. Lekin bitta savol qolyapti: Superligadan kim tushib ketadi? Davogarlar esa uchta: "Buxoro", "Andijon" va "Surxon".
Uchala jamoa ham mavsumni yaxshi o'tkaza olmadi. Har uchta jamoada yil bo'yi past-balandliklar ko'p bor kuzatildi. Bugun mana shu klublardan biri to'g'ridan to'g'ri Superligani tark etadi. Yana bir jamoa o'tish turnirida o'ynaydi. Quyida bugungi juftliklar haqida bazi malumotlarni keltirib o'tamiz.
PAXTAKOR – ANDIJON
- "Paxtakor" chempionlikni hal qilib bo'ldi. "Andijon"ning vazifasi esa og'ir. CHunki bu jamoa Superligadan tushib ketish xavfida turibdi.
- Ikkinchi davra boshlanganidan beri "Paxtakor" uy uchrashuvlarining barchasini g'alaba bilan yakunladi: uch o'yin, uch g'alaba.
- "Andijon" avvalgi ikki turda mag'lub bo'ldi. Umuman olganda andijonliklar ikkinchi davrada faqat ikki bor g'alaba qozongan.
AGMK – BUXORO
- AGMK o'z tarixida ilk bor bronza medallarga ega chiqdi va bu bilan klub azolarini, jamoa muxlislarini tabriklab qolamiz.
- So'nggi o'rinda borayotgan "Buxoro"ni bugun faqat g'alabagina qoniqtiradi, ammo bu oson bo'lmaydi.
- Ketma-ket to'rtta mag'lubiyat qayd etgan AGMK har tugul o'tgan ikki turda to'rt ochkoli bo'ldi.
- "Buxoro" ikkinchi davrada hali yutmadi. Jamoaning yagona g'alabasi birinchi davrada "Surxon" ustidan qo'lga kiritilgan.
SURXON – SO'G'DIYONA
- "Surxon" ham xavfli zonada turibdi, lekin bu jamoaning imkoniyati "Andijon" va "Buxoro"ga nisbatan birmuncha yaxshiroq.
- Termizliklar oxirgi uch turdan beri g'alaba qozona olishmayapti: bir durang, ikki mag'lubiyat.
- "So'g'diyona" o'z maydonida "Nasaf"ni mag'lub etganidan so'ng oxirgi turda mag'lubiyat va durang qayd etdi.
QIZILQUM – BUNYODKOR
- "Qizilqum" birinchi davrada ikki bor zafar quchgandi, ikkinchi davrada tarkibini kuchaytirib 3ta bellashuvda g'olib chiqdi.
- Navoiyliklar oxirgi uch turdan beri mag'lubiyatga uchrashmayapti: ikki durang va bir g'alaba.
- "Bunyodkor" ikkinchi davrani ham birinchisidagi kabi o'tkazdi. Abramov shogirdlari oxirgi 3 o'yindan ikkitasini g'alaba bilan tugatishdi.
QO'QON-1912 – NAVBAHOR
- Qatorasiga uchta mag'lubiyatdan so'ng o'tgan turda uch ochkoli bo'lgan "Qo'qon-1912" bugun o'z maydonida "Navbahor"ni qabul qiladi.
- "Navbahor" o'tgan ikki turda g'alaba qozona olmadi. Jamoa bir mag'lubiyat va bir durang qayd etdi. Bungacha namanganliklar ketma-ket uchta bellashuvda zafar quchishgandi.
MASH'AL – METALLURG
- Oxirgi turlarga kelib "Mashal" uyg'ondi. Muborakliklar ikkinchi davrada qatorasiga 7 bor mag'lub bo'lib, oxirgi ikki turda g'alaba qozonishdi.
- "SHunday bo'ldiki, "Metallurg" ketma-ket 9ta bahsda g'alaba qozona olmadi. Bu jamoaning safarda oxirgi g'alabasi ikkinchi davra boshida "Qo'qon-1912" bilan o'yinda ro'y bergandi.
NASAF – LOKOMOTIV
- Kumush medallarga ega chiqqan "Nasaf" bugungi bahsni ortiqcha bosimsiz o'tkazadi. O'tgan ikki turni g'alaba bilan yakunlagan qarshiliklar mavsumning so'nggi o'yinida ham o'z muxlislarini xushnud etishga harakat qilib ko'rishadi.
- "Lokomotiv" ikkinchi davrada ancha o'zgardi va 6ta bahsda zafar quchdi. Jamoa birinchi davrada 9 bor mag'lub bo'lgandi, ikkinchi davrada faqat ikkita bellashuvda imkoniyatni boy berdi.
- Bugun "Lokomotiv" birinchi davrada "Nasaf"dan uchralgan 0:4 hisobidagi mag'lubiyat alamini olishga urinib ko'radi.
Bosh sahifaga
176
