Bunda ayniqsa, klub tizimida faoliyat olib borayotgan Xavfsizlik bo'yicha oficerlar o'z vazifalarini to'laqonli bajarishlari zarur bo'ladi.
Klublar xavfsizlik bo'yicha oficerlarining xizmat vazifalari, ularga qo'yiladigan talablar, o'yin oldidan va uchrashuv davomida stadion hududida xavfsizlik qoidalariga to'la rioya etilishini taminlash, ayniqsa pandemiya sharoitida etibor qaratish lozim bo'lgan jihatlarga bag'ishlab bugun O'zPFLda Superliga hamda Pro liga klublari xavfsizlik bo'yicha oficerlari uchun maxsus seminar tashkil etildi.
Unda O'FA, Ichki ishlar organlari va Milliy gvardiyaning jamoat tartibini saqlash bo'yicha masullari ham ishtirok etishdi.
Seminarda xavfsizlik bo'yicha oficerning xizmat vazifalari, ularning o'yinni xavfsiz va barcha qonun-qoidalarga mos ravishda o'tishidagi ahamiyati muhokama etildi. Har bir klub uy uchrashuvlarini o'tkazadigan stadionda xavfsizlik rejasi ishlab chiqilgan bo'lishi lozim ekani, o'yin davomida klub vakili aynan mana shu reja asosida jamoat tartibini saqlash bo'yicha Ichki ishlar organlari va Milliy gvardiya bilan yaqin hamkorlikda ishlashiga kelishib olindi.
Qolaversa, pandemiya sharoitida stadionga tashrif buyuradigan barcha muxlis hamda ishtirokchilar karantin qoidalariga rioya etishi, ijtimoiy masofa saqlashi, shuningdek tibbiy niqobda bo'lishlarini taminlash bo'yicha ham hamkorlikda ish olib borishga kelishildi. Jarayon O'FA tomonidan nazorat qilib boriladi.
Bosh sahifaga
263