Mavsum davomida 21ta gol urgan "Paxtakor" azosi Dragan CHeran ketma-ket ikkinchi yil Superliga to'purari bo'ldi. Ikkinchi o'rinni "Nasaf" hujumchisi Bobir Abdixoliqov egalladi - 17ta gol. "Paxtakor" hujumchisi Igor Sergeev 16ta gol urib to'purarlar poygasida uchinchi o'rinni egalladi.
O'tgan mavsum ham CHeran 23ta gol bilan to'purar bo'lgan edi. Umuman olganda ettinchi marta xorijlik futbolchi O'zbekiston chempionatida to'purar bo'ldi. Dragan CHeran O'zbekiston chempionatida ikki mavsum to'purar bo'lgan birinchi legionerga aylandi.
O'zbekiston chempionatida eng ko'p to'purar bo'lish bo'yicha Jafar Irismetov mutlaq rekordchi hisoblanadi. Ayni paytda "Paxtakor" sport direktori sifatida ishlab kelayotgan Irismetov 1996, 1997 va 2000 yillarda jami uch marta to'purar bo'lgan. Dragan CHeran o'z vaqtida ikki martadan to'purar bo'lgan Baxtiyor Hamidullaev, Umid Isoqov, Oleg SHackix va SHuhrat Mirxoldirshoev kabi hujumchilarga etib oldi.
Barcha legioner to'purarlar ro'yxati:
2009 - Rivaldo 20ta gol (Braziliya)
2011 - Milosh Trifunovich 17ta gol (Serbiya)
2013 - Oleksandr Pishur 19ta gol (Ukraina)
2014 - Artur Gevorkyan 18ta gol (Turkmaniston)
2018 - Tiago Bezerra 17ta gol (Braziliya)
2019 - Dragan CHeran 23ta gol (Serbiya)
2020 - Dragan CHeran 21ta gol (Serbiya)
Superliga-2020. Dragan CHeran - to'purar!
/ Kiritdi: BestMaster O'qilgan: 82
Bosh sahifaga
345