"CHempionat yakuni bilan barchani tabriklayman. Oldinda kubok o'yinlari bor. Bunga tayyorgarlik davom etadi. O'yinni ko'rdinglar chiroyli va tomoshabop tarzda o'tdi. Darvozalarga ikkita ajoyib gol urildi. Qo'lni tushirmaslik kerak, kubok bahslari bizni kutmoqda. Bunda har bir o'yinda kuchlilar aniqlanib boriladi. Xatolar ham bo'ldi. Ishlashda davom etamiz. Maydon holati ham yaxshi holatda. Futbolchilar pas oshirib bir-biri bilan yaxshi tushunib harakat qilishdi",- deydi No'mon Hasanov.
- "Nabahor" mavsumni sakkizinchi o'rinda yakunladi. Endilikda maqsad kubokda g'alaba qozonib OCHLga yo'llanma olishmi?
- Albatta. Bu yilni boshida jamoa oldiga maqsad qilib qo'yilgandi. Maqsadimiz O'zbekiston kubogida g'olib chiqish. Final Namanganda bo'lib o'tadi. Kubok musobaqasi bunday qisqa bo'lmagan. SHu bois imkoniyatdan foydalanishimiz kerak.
- Klubda bosh murabbiy bo'lib qolsangiz keyingi mavsumda jamoani yanada kuchaytirasizmi?
- Ha, kuchaytirish rejada bor. CHunki hali hamma narsani futbolchilarga o'rgatib bo'lganim yo'q. Besh, olti narsani o'yinchiga birdaniga aytsam o'zlashtira olmaydi. Vaziyatlardan samara chiqara olmayapmiz. Meni qiynayotgan jihat shu. Hammasini vaqti soati bor. Bilasizlar bu erda o'z vaqtida faoliyat olib borganman. Bu narsalar shu zaxoti kelmagan. Bazilar 2-3 yil vaqt oladi. Menga uch oylik tanaffus ham etadi.
Bosh sahifaga
387