"Paxtakor" futbol klubi o'tgan yillar mobaynida davlat byudjetidan umuman mablag' olmaganligini malum qildi

2021-05-06 14:00:02 / Kiritdi: BestMaster O'qilgan: 112

Davlat aktivlarini boshqarish agentligi 2020 yil yakuni bo'yicha moliyaviy hisobotlar tahlili bo'yicha malumotda "Paxtakor" futbol klubini eng ko'p zarar ko'rgan 10 korxona tarkibiga kiritgan.

Unda "Paxtakor" futbol klubining 82,7 mlrd so'm miqdorida zarar ko'rgani qayd etilgan.

"Paxtakor" futbol klubi tomonidan quyidagilarni malum qilamiz:
"Paxtakor futbol klubi" MCHJ O'zbekiston Respublikasi Prezidentining 2017 yil 21 avgustdagi 3227-sonli "Paxtakor" futbol klubining moddiy-texnika bazasini yanada takomillashtirish chora-tadbirlari to'g'risida"gi qaroriga ko'ra, investiciya shartlarini bajargan holatda 80 foiz ulushi "SFI Management Group" MCHJga o'tishi va klubning ustav fondidagi 20 foiz ulushini Toshkent shahar hokimligida saqlab qolish to'g'risidagi taklif maqullangan. SHu vaqtdan buyon "Paxtakor" futbol klubi byudjeti to'lig'icha "SFI Management Group" MCHJ tomonidan shakllantirib kelingan. "Paxtakor" futbol klubi o'tgan yillar mobaynida davlat byudjetidan umuman mablag' olmaganligini malum qilamiz.

Davlat aktivlarini boshqarish agentligi tarqatish uchun tayyorlagan malumotlarining to'g'ri va xolis ekani bo'yicha majburiyatga egaligini unutmasligi lozim", - deb yozadi "Paxtakor" klubi matbuot xizmati.

Teglar: paxtakor, futbol, klubi, otgan, yillar, mobaynida, davlat, byudjetidan, umuman, mablag, olmaganligini, malum, qildi,
← Oldinga Orqaga →