Vladimir Andreev: "Kubokda ko'proq yoshlarga etibor qaratamiz"

- O'yin haqida nima ham deyishim mumkin. O'yin tomoshabop bo'ldi. O'yinni hujumkorlik bilan boshladik. Afsuski, biroz o'tib gol o'tkazib yubordik. SHundan so'ng, futbolchilar yana faol harakat qilib, imkoniyatlar yaratishga harakat qilishdi. Ikkinchi bo'lim boshlarida gol urib hisobni tenglashtirdik. Goldan keyin himoyaga ko'proq etibor qilgan holda, qarshi hujumlarda harakat qildik. Uchrashuv yakuniga qadar yana gol o'tkazib yubordik. Baxtimizga AGMK va "Paxtakor" g'alaba qozondi va biz Superligada jon saqlab qoldik. "Surxon" jamoasi muhlislariga rahmat aytaman.

- Sardor Sulaymonov maydonni erta tark etdi. Bu sizni rejalaringizni o'zgartirib yubordimi?

- Sulaymonov jarohat olib maydonni tark etdi. SHundan so'ng, yosh futbolchi O'ral CHorievga imkoniyat berdik. Yomon harakat qilmadi.

- Kubokdagi rejalar qanday?

- Kubokda ko'proq yoshlarga etibor qaratamiz va shu orqali ular yil davomida qanchalik o'sishga erishganini ko'ramiz. SHu yoshlar bilan Qo'qonda g'alaba qozonishga harakat qilamiz.