Tadbirga o'zbek futboli afsonasi To'lagan Isoqov, “Bunyodkor” jamoasida ancha yillardan beri ishlab kelayotgan Vyacheslav Soloxo va mashhur murabbiy Ravshan Xaydarov mehmon sifatida ishtirok etishdi. Bugungi xotira tadbirida asosan “Paxtakor-79” jamoasining futbolchilari yod olindi. SHuningdek, nafaqat o'zbek futboliga, balki o'zbek sportining rivojiga katta hissa qo'shgan marhum sport arbobi Mirabror Usmonov xotirlandi. Uchrashuv davomida To'lagan Isoqov afsonaviy “Paxtakor-79” jamoasi haqida ko'plab qiziq malumotlarni aytib o'tdilar.
"Bu jamoa safida men ham bo'lishim mumkin edi. Jamoamiz 8 may kuni Toshkentdagi uchrashuvda g'alaba qozongandi va shundan so'ng Minskga uchib ketishi lozim edi. O'sha vaqtda oyog'imda jiddiy jarohat bor edi. Ular Minskga, men esa Moskvaga jarohatimni davolash uchun ketganman. 11 avgust kuni shum xabarni eshitishim bilan Toshkentga qaytib kelganman. Bu holatdan shokda edim, hali ham bu voqea bo'lganiga ishonmasdim. Bu voqeadan so'ng boshqa futbol o'ynay olmadim.
Doim jamoadoshlarim ko'zimga ko'rinardi. SHundan so'ng menga “Paxtakor”ning ikkinchi jamoasiga murabbiy bo'lishni taklif qilishdi. Vaqt o'tdi, “Paxtakor” yangi futbolchilar orqali qaytadan tuzildi. Birinchi uchrashuvni Erevan jamoasiga qarshi o'tkazib, 1:3 hisobida mag'lub bo'ldik. Ikkinchi bahsda esa Toshkentda Tbilisining “Dinamo” jamoasiga qarshi maydonga tushdi. “Dinamo” futbolchilari ochiqchasiga o'sha uchrashuvda mag'lub bo'lishlarini aytishgandi va ular so'zlarida turib 1:2 hisobida imkoniyatni boy berishgan. Bilasizlarmi? O'sha mavsumda Tbilis jamoasi ikkinchi o'rinni olishgan va chempiondan ikki ochko kam to'plashgan edi... “Paxtakor-79” jamoasini doim qalbimizda saqlashimiz kerak",-deb fikr bildirdi “Paxtakor” afsonasi.
SHundan so'ng tadbir qatnashchilari uchun “Paxtakor-79” jamoasining aviahalokatga uchragan joyda qad rostlagan manumentlar haqidagi video namoyish etildi.
SHuningdek, ishtirokchilar tomonidan berilgan savollarga Ravshan Xaydarov, Vyacheslav Soloxo va Asqar Tolibjonov javob berishdi.
Bosh sahifaga
183