"Jangovar durang guvohiga aylandik. G'alabaga yaqin edik, deya olaman. Oddiy xatolarimiz evaziga darvozamizdan ikkita to'p olib chiqdik. Jamoam gol urishga qiynaldi. "Aral Samali" ham muxlislari ko'z o'ngida yaxshi harakat qildi. Ishqibozlarimizdan uzur so'rayman. "Buxoro" durangni o'ylab emas, g'alaba uchun harakat qildi. Ikkinchi bo'limdagi o'yinni ko'rsatsak oldimizga qo'yilgan maqsadga erishsa bo'ladi".
- Stadiondagi muhit va maydon haqida fikringiz qanday?
- To'g'risi bunday maydonda birorta mashg'ulot o'tkazmaganmiz. Bunga o'zim ham qarshiman. Futbolchilar ehtiyot bo'lib shug'ullanishdi. Ushbu maydonda bir kun mashg'ulot o'tkazib o'yinga chiqdik. SHunga qaramasdan shogirdlarim ikkinchi bo'limda ko'rsatmalarni to'g'ri bajarishdi. Oldinga qarab intilishimiz kerak. Bu o'yin tarixga aylandi.
- "Buxoro" bir ochko qo'lga kiritdimi yoki ikki ochko yo'qotdi?
- Ikkinchi bo'limda ko'plab vaziyatlar yuzaga keltirdik. Ko'rgan bo'lsangiz bir vaziyatda to'p darvoza ustuniga tegdi. "Buxoro" ikki ochko yo'qotdi.
- O'yinning navbatdagi qismida yog'ishni boshlagan yomg'ir qanchalik tasir qildi?
- Ikkita jamoa ham bir hil sharoitda o'ynadi. Yomg'ir futbolchilarga qiyinchilik qilmadi. Futbolchilarni ruhiy bosimdan olib chiqib ketish qiyin bo'lyapti.
- Raqib safidagi qaysi futbolchilarni alohida ko'rsatgan bo'lardingiz?
- "Aral Samali"ning hujumchilari Navro'z Alimov va Azamat Allaniyozovni yaxshi bilaman. Hech kimni ajratmoqchi emasman. Agarda raqib shunday shijoat bilan o'ynasa ko'p jamoalarga bosh og'riq bo'ladi.
- Futbolchilik faoliyatingizni katta qismini vodiyda o'tkazgansiz. Murabbiylikni ham Farg'onaning "Istiqlol" jamoasida boshladingiz. Boshqa jamoada, muhitda ishlash qanday bo'lyapti?
- "Buxoro"da yordamchi sifatida ish boshlagandim. Lekin nima uchun Davron Fayzievni istefoga chiqarishdi bilmayman. Klubdagilar yaxshi sharoitlar yaratib berishyapti. Qashqadaryo futbolidan chiqib vodiyda o'ynadim. Hammasi tarixda qoldi. Ayni paytda bor etiborim "Buxoro" jamoasiga qaratilgan.
Bosh sahifaga
285