"Avvalo, muxlislardan uzr so'raymiz. Ularning oldida xijolatdamiz, chunki jamoa 7 turdan buyon g'alaba qozona olmayapti. Muxlislarimiz bunga loyiq emas, mana bugun ham noqulay ob-havo sharoitiga qaramay, kelib, bizni qo'llab-quvvatlashdi. Umid qilamizki, jamoaning g'alabali onlari hali oldinda va ularni xursand qilamiz.
O'yinga kelsak, yomon boshlamadik, birinchi bo'limda to'liq nazoratni qo'lga oldik, bir qancha vaziyatlarni yaratdik. Lekin bu – futbol, undan har doim yaxshi o'ynagan jamoa g'olib chiqmaydi. Demak, nimanidir noto'g'ri qilyapmiz, shu bois mag'lubiyatga uchradik. Barcha aybni o'z zimmamga olaman. Futbolchilar bilan gaplashib oldik, 2 kundan keyin bizni yana bir o'yin kutmoqda. Bu narsa ruhiy holatimizga tasir qilmasligi kerak. Vvaziyatdan chiqib ketish uchun harakat qilamiz.
Jamoamiz azolariga keladigan bo'lsak, tarkibimizda 27 ta o'yinchi bor. Qaysidir paytda ro'yxatga kira olmayotgan o'yinchilarni rotaciyani amalga oshirib, almashtiramiz. Bu safar qaydnomaga Orifxo'ja Abduxoliqov o'rniga jarohatdan qaytgan Asilbek Qayumovni kiritisha qaror qildik", – Islom Ismoilov
Klub muxlislari, "Turon"ning g'alabali onlari hali oldinda ekanligi, jamoaning o'yini, rotaciya haqida – Islom Ismoilov ishtirokidagi matbuot anjumani
/ Kiritdi: BestMaster O'qilgan: 111
Bosh sahifaga
146