"Lokomotiv" o'z maydonida Bekobodning "Metallurg" klubini qabul qiladi. 7-tur yakunlariga ko'ra, "Lokomotiv" 11 ochko to'plagan holda 7-o'rinni egallab turibdi. "Temiryo'lchilar" uchta o'yinda g'alaba qozonib, ikki martadan durang va mag'lubiyat qayd etishgan. To'plar nisbati 12-9.
"Metallurg" esa uchta g'alaba va to'rt mag'lubiyat qayd etgan holda 9 ochko bilan 8-o'rinda boryapti. Bekobodliklarda to'plar nisbati 6-7. Mavsum avvalida "Metallurg"da bosh murabbiy o'zgardi. 1-turdan so'ng Andrey SHipilov istefoga chiqib, 2-turda jamoani Fevzi Davletov boshqardi. 3-turdan boshlab esa jamoa Jasur Abduraimov qo'l ostida o'yinlarni o'tkazib kelmoqda.
Bilasizmi, "Lokomotiv" Superligada oxirgi uch turni g'alaba bilan yakunladi. Mikael Sekeyra shogirdlari dastlab safarda "Surxon"ni, so'ngra uyda "Bunyodkor"ni va o'tgan tur Muborakda "Mashal"ni mag'lub etishning uddasidan chiqishdi. "Loko" oxirgi uch o'yinda 7ta gol urishga muvaffaq bo'ldi.
"Metallurg"ning uch g'alabadan ikkitasi uydagi o'yinlarda qo'lga kiritilgan. Bu jamoa o'z maydonida "Bunyodkor" va "Andijon" hamda safarda "Qo'qon-1912" ustidan zafar quchib, "Surxon", "Mashal", "Paxtakor" va "So'g'diyona" klublari bilan kechgan bahslarda imkoniyatni boy berdi.
Coca Cola Superligasi. 8-tur
LOKOMOTIV - METALLURG
Bosh hakam: Vadim Agishev
Qanot hakamlari: Otabek Qosimov, Hasan Nabiev.
Zaxira hakami: Sultonmurod Abdurahmonov
Nazoratchi: Baxtiyor Namozov
PFL komissari: Sardor Qudratullaev
11 may. "Lokomotiv" stadioni. 18:50
"Sport" telekanalida to'g'ridan to'g'ri.
2212610318739688 
Bosh sahifaga
368
10 Noyabr 2025, 09:33