"Jamoam juda yaxshi o'yin ko'rsatdi, deya olaman. Har bir futbolchi o'z vazifasini bajardi. Ozgina omad etishmadi. Alamli mag'lubiyatga uchradik. Gol urish uchun ko'plab imkoniyatlarimiz bo'ldi. Kerakli pallada vaziyatlarni golga aylantira olmadik. "Metallurg" o'z imkoniyatlaridan foydalandi. Raqibni g'alaba bilan tabriklayman. Futbolchilar birinchi bo'limda ko'rsatmalarni aniq bajarishdi. Uch ochko yo'qotganimiz ranjitishi tabiiy. SHunga qaramasdan, navbatdagi bahsga qadar shogirdlarimning ruhiyatini ko'tarishga harakat qilaman", – Mikael Sekeyra.
- Klubning jamoa oldida maosh borasida 3-4 oylik qarzi borligi haqida eshitdik. Bunga aniqlik kirita olasizmi?
- Oylik maosh borasida hech qanday muammolarimiz yo'q. Jamoada hamma narsa etarli.
- "Metallurg" 5 ta o'yindan beri "Lokomotiv"ga mag'lub bo'layotgani yo'q. Qaysidir manoda sizlar uchun noqulay raqib edi...
- Bundan xabarim yo'q edi. Omad bizga emas, raqibga kulib boqdi.
- Himoyada muammolar borligi ko'rinib turibdi. SHuningdek, raqib jarima maydonchasiga kelganda bitta aniq zarba bilan to'pni darvozaga yo'llaydigan futbolchi topilmadi. Omaddan tashqari mag'lubiyatga yana nima sabab bo'ldi?
- Bugun gol urish uchun ko'plab vaziyatlar yaratdik. Bu – futbol.
- Portugaliya nashriga bergan intervyungizda o'zbek futboliga moslashishga qiynaldim, dedingiz. O'zimning asosiy futbolchimni topish qiyin kechdi, deya fikr bildirgansiz. O'yinni qaysi futbolchi atrofida qurishga harakat qilmoqdasiz?
- Men qaysidir futbolchini aytmaganman. Jamoani kuchaytrish haqida gap ketmoqda. 8 ta o'yinda mag'lubiyatga uchramadik. Bu futbolda bo'ladigan holat. Biz o'yindan keyin barchasini esdan chiqaramiz va odatdagidek, navbatdagi bahsga tayyorgarlik ko'ramiz.
2212610318739688 
Bosh sahifaga
334
11 Noyabr 2025, 08:22