Video  Yorqin Nazarov: "Ayrim futbolchilarimiz Superligada o'ynashga tayyor emas"

 

 O'yin haqida

- Avvalombor, "So'g'diyona" jamoasini g'alaba bilan tabriklayman. O'yin haqidaga aytadigan bo'lsam, raqib chindan yutdi, bu borada gap-so'zga o'rin yo'q. Aytish mumkin, tarkibimizdagi yosh yigitlarning ko'pchiligi Superligada o'ynashga tayyor emas. Ularga tushuntirayapmiz, mashg'ulotlarda aytayapmiz, lekin aksariyat yosh futbolchilarga Superligada o'ynashga hali erta ekanligi ko'rinib qolayapti. Kelajakda balki o'ynab ketishar, lekin hozircha ular tayyor emas. Tarkib yig'ganimizda bizda darvozabonlarni ham yoshlardan taklif etganimiz bizni xato bo'lgan. Darvozabon baribir tajribali bo'lishi kerak. Bizda ikkita yosh darvozabon bor.

Bugun "So'g'diyona" yaxshi o'ynab yutib ketdi. Lekin ko'rgan bo'lsangizlar, 4 ta zarba va 4 ta gol. Bunda darvozabonni aybdor qilmayapman, shunchaki etibor qaratsangiz bugun shunaqa holat bo'ldi. Yosh futbolchilarni tarkibga jalb etish yaxshi, kelajakda ularni Superliga o'yinlariga tayyorlab boramiz. Lekin darvoza chizig'ida tajribali futbolchi harakat qilishi shart. O'z ustimizda ishlashda davom etamiz.

- O'yin Jasur Jaloliddinov atrofida tashkil etalayapti. Uning tajribasi yuqori emasligi pand berib qo'ymasmikan? O'tgan o'yinda u penaltini ham golga aylantira olmagandi...

- Bu xolat "Andijon" jamoasi o'yinlariga tasir qilayotgan bo'lsa ham, bizda bu chiziqda boshqa tajribali futbolchi yo'q. Uning poziciyasida Komron Saydaliev bor, lekin u ham yosh futbolchi. Bir muxlis aytgandi, Jasur o'zi endigina 18 yoshga to'lgan bo'lsa, biz undan liderlikni talab qilishimiz to'g'rimikan deb. Jasur o'yinni o'ziga olishga urinmoqda, lekin baribir u hali yosh. Qo'lidan kelganicha harakat qilayapti.

- Klubdagi moliyaviy xolat maydonda o'zining natijasini ko'rsatmayaptimikan?

- Yo'q, unday deb o'ylamayman. Jizzaxga kelgunimizga qadar va bu erda yashagan mehmonxonamiz, umuman sharoitlar barchasi alo darajada bo'ldi. Endi moliyaviy xolat haqida aytadigan bo'lsak, ozgina kamchiliklar bor. Lekin jamoamiz futbolchilari buni yaxshi tushunib turishibdi, hammasi oylik maoshlarini olishadi. Bizda tarkibimiz aksariyat yosh futbolchilardan iborat ekanligi natijaga tasir ko'rsatayapti. Urilgan va o'tkazib yuborilgan gollarda ham bu narsa ko'zga tashlanayapti. Futbolchilarning familiya ismlarini oshkor qilmayman, lekin ayrimlari Superligada o'ynashlariga erta.

- Jamoa tarkibini ikkinchi davrada tajribali futbolchilar bilan to'ldirish rejasi bormi?

- Hali bu borada klub rahbariyati bilan gaplashmadik. Lekin tarkibga o'zgartirish kiritmasak bo'lmaydi. Tajribali futbolchilar olamizmi yoki yosh futbolchilarga ishonishda davom etamizmi, vaqt ko'rsatadi. Superligada o'ynay oladigan yosh futbolchilar ham bor. Lekin takror aytaman, bizni jamoada ayrim futbolchilar Superligada o'ynashga tayyor emas.

- Tezkor gol "Andijon"ning o'yiniga qanday tasir qildi?

- To'g'ri, tezkor gol rejalarimizni o'zgartirish kiritib bordi. O'tgan o'yinda ham ikkinchi bo'limda yaxshi o'ynagandik. Yigitlar birinchi bo'limda hayajonlanib qolishdi, balki Jasur Hasanovni maydonda ko'rib shunday xolatga tushishgandir. Jamoamiz aksariyat o'yinlarning ikkinchi bo'limini yaxshi o'tkazmoqda.