SHu paytga qadar O'zbekiston chempionatida 7 nafar xorijlik murabbiy g'olib chiqqan. Vega da Silva (Braziliya, "Paxtakor"), Leonid Ostroushko (Qozog'iston, "Do'stlik"), Tachmurod Agamurodov (Turkmaniston, "Paxtakor"), Ziko (Braziliya, "Bunyodkor"), Luish Felipe Skolari (Braziliya, "Bunyodkor"), Andrey Fyodorov (Rossiya, "Lokomotiv") hozirgacha chet ellik mutaxassislar orasida chempionga aylangan. Arveladze esa "Paxtakor"da Vega da Silva va Tachmurod Agamurodovdan keyin oltin medalga ega chiqqan uchinchi xorijlik mutaxassis sanaladi. SHuningdek, u ikki bor chempion bo'lgan Agamurodovga tenglashib oldi.
Yakuniga etgan mavsumdan keyin SHota Arveladze O'zbekiston chempionatidagi o'yinlar soni bo'yicha "Paxtakor" bosh murabbiylari ro'yxatida ikkinchi pog'onadan joy olib turibdi. Yana etti o'yinda "Paxtakor"ni Superligada maydonga boshlab tushgan taqdirda u Ravshan Haydarovning rekordidan o'zib ketadi. Arveladze boshchilik qilgan Superligadagi 98 o'yinda "Paxtakor" 73 g'alaba, 14 durang va 11 mag'lubiyatni qayd etgan. Bu bahslarda jamoa 79 foiz ochkolarga ega chiqqan. Raqib darvozasiga 237 to'p kiritilib (bir o'yinda o'rtacha 2,41tadan), 70 gol o'tkazib ppyuborilgan.
"Paxtakor"ni O'zbekiston chempionatida eng ko'p o'yinlarda boshqargan murabbiylar:
1. Ravshan Haydarov - 104
3. SHota Arveladze (Gruziya) - 98
3. Viktor Jalilov - 93
4. Aleksandr Ivankov - 73
5. Tachmurod Agamurodov (Turkmaniston) - 64
Bosh sahifaga
98