Ushbu sahifada uchrashuvning matnli translyaciyasini kuzatib borishingiz mumkin.
YANGILASH
88-daqiqa. Ogohlantirish! Qo'shimchasiga, ko'p gapirib yuborgani uchun Marselo Brozovich sariq kartochka ishlab oldi.
88-daqiqa. GOOOOOOL! Kuadradoning o'zi penaltini aniq amalga oshirdi.
Oradan bir daqiqa o'tar-o'tmas, "Yuventus" penalti ishlamoqda.
Takroriy lavhani ko'rgach, hakam barchasi qoida asosida bo'lgani va hujumdagilar qo'pollik ishlatmagani hamda gol hisoblanganini elon qildi.
83-daqiqa. GOOOOOL! Biroq hakam shoshmaslikni so'ramoqda. Lukaku va Jorjo Kellini o'rtasida kurash kechgan vaziyatda kim qoidani buzgani qiziq...
82-daqiqa. Xavfli vaziyat! Voycex SHensi Vesinoning bosh bilan bergan zarbasidan keyin jamoasini muqarrar goldan qutqardi.
81-daqiqa. "Inter" bosimni davom ettirmoqda. Mezbonlar futbolchilari esa uyalmay, tortinmay to'pni to'g'ri kelgan tomonga qaytarish bilan ovvora.
80-daqiqa. O'zgarish! Hozirgina ogohlantirilgan himoyachi Bastoni uchun o'yin yakunlandi. Uning o'rnini Matias Vesino egalladi.
78-daqiqa. Ogohlantirish! Alessandro Bastoni qoidani buzgani uchun ogohlantirildi.
75-daqiqa. Ivan Perishich to'pni jarima maydoni ichida sherigidan qabul qildi va darhol zarba berdi, lekin juda kuchli chiqqan zarba, shu qadar noaniq bo'ldi.
74-daqiqa. Ogohlantirish! Lautaro Martines ham maydonni kartochkasiz tark etmaydigan bo'ldi.
73-daqiqa. O'zgarish! Kristian Eriksen o'rniga Stefano Sensi maydonga tushirildi.
72-daqiqa. "Yuventus" to'pni biroz bo'lsada o'z nazoratida ushlab turib, raqibni tinchlantirishga harakat qilmoqda.
70-daqiqa. O'zgarish! Ronaldu o'rniga Morata, Federiko Keza o'rniga esa Merix Demiral tushirildi. Pirlo hujumkor futbolchi o'rniga himoyachini maydonga tushirdi.
67-daqiqa. "Inter" 5-4-1 taktik sxemaga o'tib olgan va oldinroqda faqatgina Ronaldu qolib, qolgan barcha himoyalanishda faollik ko'rsatayotgan jamoa darvozasiga yo'l topa olmayapti.
65-daqiqa. GOOOOOL! Lautaro Martines chalqancha uslubda zarba yo'llab, raqib darvozasini ishg'ol etdi, lekin bosh hakam sal avvalroq Lukaku Kelliniga nisbatan qo'pollik ishlatgan deb topdi.
61-daqiqa. "Inter" raqibini deyarli butun tarkib bo'lib himoyalanishga majbur qilmoqda.
58-daqiqa. O'zgarish! Deyan Kulushevski o'rniga Ueston Makkenni o'yinga qo'shildi.
55-daqiqa. QIZIL KARTOCHKA! Rodrigo Bentankur Lukakuga nisbatan qo'pollik ishlatdi va ikkinchi sariq kartochkasini "ishlab" oldi.
51-daqiqa. Xavfli vaziyat! Lautaro Martinesning zarbasidan keyin to'p darvoza to'sinini "silab" o'tib ketdi.
49-daqiqa. Birinchi bo'limda raqiblarini uchirib yurgan Mateys De Ligtni o'zini Ashraf Hakimi "uchirib" yubordi. Hakamlar marokashlik futbolchi o'yin qoidasini buzgan deb topishdi.
47-daqiqa. Endi ustunlik "Inter" tomoniga o'tgandek. Aynan Konte shogirdlari bo'limni faolroq boshlashdi va raqib himoyasining zaif nuqtasini izlashmoqda.
46-daqiqa. Ikkinchi bo'lim boshlandi! Uni Romelu Lukaku boshlab berdi.
Faolroq bo'lgan va ko'proq hujum, xavfli vaziyat yaratishga harakat qilgan mezbonlar qo'shib berilgan so'nggi daqiqaning oxirgi soniyalarida gol urib, tanaffusga 2:1 hisobida oldinda chiqib ketishni uddalashdi.
45+3-daqiqa. GOOOOOOL! Xuan Kuadrodan "pushka" va yana "Yuventus" oldinda.
45+1-daqiqa. Adrien Rabo bosh bilan zarba berdi, lekin kuchsiz uchib kelayotgan to'pni Samir Xandanovich egallab oldi.
45-daqiqa. Birinchi bo'limning asosiy vaqtiga 3 daqiqa qo'shib berildi.
43-daqiqa. "Yuventus" navbatdagi burchak zarbasini amalga oshirdi, lekin xavfli vaziyat ham sal qolsa turinliklar darvozasi oldida yuzaga kelardi, lekin qarshi hujumga qochib ketayotgan Ashraf to'pni vaqtida sherigi Barellaga oshirmadi, oqibatda raqib himoyachilari barchasini yo'qqa chiqarishdi.
41-daqiqa. Hujumga qo'shilgan Danilo jarima maydoni ichidan zarba yo'llashga erishdi, lekin urinishi qovushmadi va himoyachi ortga qaytishga majbur.
38-daqiqa. Burchakdan uzatilgan to'pni himoyachilarga yordamga kelgan Lukaku qaytarib yubordi.
36-daqiqa. Muvozanat tiklandi. Bu "Yuve" yana hujumga borishga majbur degani.
35-daqiqa. GOOOOOOL! Romelu Lukaku mavsumdagi navbatdagi golini urdi. Belgiyalik futbolchi darvozabonga umuman imkon qoldirmadi.
34-daqiqa. PENALTI! Yana "VAR" va yana penalti... Takroriy vaziyatda aniq ko'rindiki himoyachi raqibi oyog'ini bosib olgan.
33-daqiqa. Lautaro yana De Ligt o'ziga nisbatan qoida buzganiga etiborni qaratish uchun maydonga qulab tushdi, farqi bu safar u jarima maydonchasi ichida yiqildi.
31-daqiqa. "Yuventus"ning uzoq davom etgan hujumi noaniq zarba bilan yakunlandi.
29-daqiqa. Mateys De Ligt to'pga qo'shib Lautaro Martinesni ham maydondan chiqarib tashladi.
27-daqiqa. "Inter" principial raqibga qarshi o'yinda mag'lub bo'lishni istamasligi turgan gap va shu sabab buyog'iga Konte jamoasi ham jonlanishini kutish o'rinli.
24-daqiqa. GOOOOOOL! Nuqtaga Ronaldu yaqinlashdi va uning birinchi urinishini Xandanovich qaytargan bo'lsada, Krishtianu ikkinchi harakat bilan hisobni ochdi.
23-daqiqa. PENALTI! "VAR" yordamida takroriy lavhani ko'rgach, hakam o'n bir metrlik jarima zarbasi belgiladi.
20-daqiqa. Ogohlantirish! Potencial xavfli hujumni uzib qo'ygani uchun Rodrigo Bentankur ogohlantirildi.
20-daqiqa. Jamoasining qarshi hujumni boshlayotgan Lautaro Martinesga nisbatan qo'pollik ishlatildi.
Uzatmadan keyin ish zarbagacha etib bormadi va mezbonlar to'pni uzoqlashtirishdi.
15-daqiqa. "Inter" ilk bor katta kuch bilan oldinga o'tdi va Darmian burchak to'pi ishlab oldi.
13-daqiqa. Ogohlantirish! Yana fol va hakam Kulushevskiga sariq kartochka ko'rsatdi. SHveciyalik futbolchi to'pga ulgurmay, Ashraf Hakimining oyog'ini bosib oldi.
12-daqiqa. Markazda Lukakuga nisbatan qoida buzildi.
Standart vaziyatdan uzatma amalga oshirildi, havodagi kurashda Federiko Keza barchadan ustun keldi, lekin zarbasi aniq chiqmadi.
11-daqiqa. Xavfli vaziyat! Kulushevskining jarima maydoni ichidan yo'llagan zarbasini SHkrinyar boshi bilan qaytarishga muvaffaq bo'ldi. Burchak zarbasi.
9-daqiqa. Kuadroda jarima zarbasidan to'pni jarima maydonchasi ichiga etib borgan Kelliniga etkazishga urindi, ammo Samir Xandanovich dadil harakat bilan to'pni ushlab oldi.
7-daqiqa. O'yinning dastlabki daqiqalari kutilganidek ancha ehtiyotkor va sokin ruhda kechmoqda. Mezbonlarning xato qilishga haqqi yo'q.
3-daqiqa. Ha, chempionlikni rasmiylashtirib bo'lgan "Inter"ning shoshadigan joyi yo'q. Bir vaqtlar "Yuve" bilan chempionlikni qo'lga kiritgan Antonio Kontening bugungi shogirdlari turinliklar gegemonligiga nuqta qo'yishdi.
Bugun ochkolarga ko'proq muxtoj bo'lgan "Yuventus" birinchi hujumni uyushtirishga urinib ko'rdi, lekin yon hakam o'yindan tashqari holatni qayd etdi.
1-daqiqa. O'yin boshlandi!
"Yuventus" – "Inter"
21.00, "Alyanc Stedium"
"Yuventus" – SHesni, Danilo, Aleks Sandro, Kellini, de Ligt, Rabo, Kuadrado, Kulusevski, Bentankur, Keza, Ronaldu.
"Inter" – Xandanovich, Xakimi, SHkrinyar, Bastoni, Darmian, Eriksen, Barella, Brozovich, de Vrey, Martines, Lukaku.
Bosh sahifaga
219