"Ertangi raqibimiz "Xo'jand" jamoasi bo'ladi. Bu jamoani yaxshi o'rgandik, ayni paytda Tojikiston chempionatida peshqadam bo'lib turibdi. Ajoyib jamoa. Ijobiy natija qayd etishimiz uchun juda yaxshi o'ynashimiz talab etiladi.
Yigitlarimiz bunga tayyor, raqib haqida barcha malumotga egalar. Ertangi bahsda umid qilamanki ijobiy natija va chiroyli o'yin bo'ladi.
- Birinchi turda "Nasaf" "Oloy"ga qarshi juda yaxshi o'yin namoyish etdi. Ayniqsa ikkinchi taymda 22 daqiqa ichida 4ta javobsiz gol urildi. "Nasaf" guruh g'olibi bo'lishiga nima xalal berishi mumkin?
- Albatta raqiblar! Ayniqsa mezbon, "Xo'jand". "Oloy" bilan o'yindagi dastlabki taymda yaxshi o'ynadik deya olmayman, bu bizning eng yaxshi o'yinimiz emas. Ertangi bahs esa o'zimiz istagan eng yaxshi o'yinni namoyish etishga urinamiz.
- "Oloy" asosan himoyada o'ynadi va hujumdagi o'yinchilari saviyasi pastroqligi ko'rindi. "Xo'jand"da esa 10 va 7-raqamdagi futbolchilar hujumda juda yaxshi o'ynashdi. Bunga himoyachilar tayyormi?
- "Oloy" asosan himoyaga urg'u berdi, ko'plab o'yinchilar himoyada o'ynashdi. Menimcha "Xo'jand" ko'proq hujum qiladi va oldinga o'tadi. Bu biz uchun balki foydaga ishlar. Raqib himoyaviy o'ynaydimi yoki hujumkormi farqi o'yin, bunday bahslarga tayyor bo'lishimiz shart. Hozir faqat "Xo'jand" haqida gapirayapmiz, ammo "Oltin Asr" ham juda yaxshi jamoa. Guruhdagi hech bir bahs oson o'tmaydi.
- Hozir pandemiya bo'lgani uchun musobaqa markazlashgan holda o'tkazilmoqda. Bunga ko'nikish kerak, OCHL bahslari ham shunday o'tdi. Oldin uy-safar tizimida bo'lardi o'yinlar, , - deydi Ro'ziqul Berdiev
"Ertangi bahsga jamoamiz tayyor, muxlislarimizni xursand qilib g'alaba qozonishga harakat qilamiz. "Xo'jand" jamoasi o'yinlarini o'rganib chiqdik, ular g'alaba uchun bor kuchini berishi aniq. Lekin biz ham g'alaba qozonishni xohlaymiz", - deydi Nasrullaev.
Tolibjon Qosimov
Dushanbe, Tojikiston
2212610318739688 
Bosh sahifaga
704
20 Noyabr 2025, 14:33