Go'yoki, Moskva klubi bosh murabbiyi Domeniko Tedesko jamoaning yangi sport direktori Dmitriy Popovdan O'runovni ijaraga berib yuborishni so'ragan. Ostonga faqat RPL musobaqa jadvalining 2-qismidagi jamoalar va 2-divizion vakillari tomonidan qiziqish borligi aytilgan. Ijara varianti amalga oshmasa, "Spartak-2"da o'yin amaliyotiga ega bo'lib borishi mumkinligi haqida gapirilgan.
Rossiyalik taniqli insayder Ivan Karpov esa bu xabarlar feykligini asoslab berdi. U shunday yozadi:
"Oldin ham aytganman, yana bir bor takidlamoqchiman, O'runovga CSKA ko'proq pul taklif qilgan. "Rubin" ham o'zbekistonlik futbolchi uchun davogarlik qilgan (buni qozonliklar sport direktori Yarovinskiy tan olgan edi). Umuman olganda, ushbu futbolchiga talab har doim bo'lgan, hozir ham bor.
SHundan keyin ham 19 yoshli yarim himoyachi faoliyatini RPLning 2-to'lqin jamoalari yoki 2-divizion klublarida davom ettirishi haqida yozish kulgili. O'runovning "Spartak"dagi muvaffaqiyatsiz startiga qarmay, Rossiya futbol bozorida hamon talabgir hisoblanadi".
"Championat.asia" manbasining takidlashicha, Ostonning Moskvani tark etishi haqidagi barcha xabarlar asossiz, uning klubdagi kelajagi borasida yakuniy qaror qabul qilinmagan.
Bosh sahifaga
174
