Endi "Milan", "Napoli" va "Yuventus" so'nggi turda ECHL yo'llanmasi uchun kurash olib boradi. Top-4'ga kirish uchun bir qator ehtimoliy kombinaciyalar mavjud. Quyida shu haqda malumot beramiz.
Ayni paytda 3 va 4-o'rinlar "rossoneri" hamda "adzurrilar"da (76 ochko), keyingi pog'onada "keksa sinora" - 75.
Turnir jadvali
"Milan" 38-turda "Atalanta" mehmoni bo'ladi, "Napoli" "Verona"ni qabul qilsa, "Yuventus" "Bolonya"ga safar qiladi.
• "Milan" 76 ochko:
- Agar "Milan" "Atalanta"ni mag'lub qilsa, nafaqat CHempionlar Ligasiga yo'llanma oladi, balki bergamoliklardan o'zib kumush medallarni kafolatlaydi.
- O'zaro o'yinlar natijasi inobatga olinadigan bo'lsa, "Milan" "Napoli" va "Yuventus"dan yaxshiroq holatda.
• "Napoli" 76 ochko:
- Agar "Napoli" "Verona"ni mag'lub qilsa, kuchli to'rtlikka kirishi kafolatlanadi.
- O'zaro uchrashuvlar natijasi inobatga olinsa, "Napoli" "Milan"ga yutqazgan, "Yuventus" bilan esa tenglik qayd etilgan.
- O'zaro o'yinlar natijasi teng kelgan holatda to'plarning umumiy nisbatiga murojaat qilinadi. Bunda "Napoli" (+45) "Yuventus"dan (+36) yuqorida.
• "Yuventus" 75 ochko:
- "Yuventus" "Bolonya"ni mag'lub qilishi va to'g'ridan-to'ri raqiblarining ochko yo'qotishini kutishi kerak.
- Yana bir muqobil variant bor: "keksa sinora" "Bolonya" bilan durang o'ynashi, "Milan" va "Napoli"ning mag'lubiyati.
Bunday holatda uchchala jamoaning ochkolari tenglashadi (76) va "Avulsa" klassifikaciyasi boshlanadi. Bu jamoalarning faqat bir-biriga qarshi o'yinlari inobatga olinadigan mini-liga.
Natijada, "Milan", "Yuventus" va "Napoli"ning har birida 6 tadan ochko bo'ladi. SHu tufayli o'zaro bahslardagi to'plar nisbatiga murojaat qilinadi va "Napoli" 5-pog'onaga tushib ketadi. Gap shundaki, "Milan"da to'plar nisbati ideal holatda (+2), "Yuve" va "Napoli"da esa -1. SHu tufayli "byankonerilar" "Napoli"ga nisbatan ko'proq gol urgani tufayli yuqoriga joylashadi.
• O'zaro natijalar:
- "Milan"
"Milan" 1:3 "Yuventus"
"Yuventus" 0:3 "Milan"
"Napoli" 1:3 "Milan"
"Milan" 0:1 "Napoli"
- "Napoli"
"Napoli" 1:3 "Milan"
"Milan" 0:1 "Napoli"
"Napoli" 1:0 "Yuventus"
"Yuventus" 2:1 "Napoli"
- "Yuventus"
"Milan" 1:3 "Yuventus"
"Yuventus" 0:3 "Milan"
"Napoli" 1:0 "Yuventus"
"Yuventus" 2:1 "Napoli"
• "Avulsa" klassifikaciyasi jadvali:
1. "Milan" 6 ochko — (urilgan: 7, o'tkazilgan: 5, nisbat: + 2);
2. "Yuventus" 6 ochkov (urilgan: 5 o'tkazilgan: 6, nisbat: -1);
3. "Napoli" 6 ochkov (urilgan: 4 o'tkazilgan: 5, nisbat: -1).
Bosh sahifaga
241