Bugungi o'yinga yaxshi tayyorgarlik ko'rgandik, tarkibda o'zgarishlar qildik. Hujumkor o'ynashni maqsad qilgandik. Biroq ilk daqiqada darvozabonimizning xatosidan keyin avtogol bo'ldi, yigitlar o'zlariga kelib hisobni tenglashtirdik. Taym so'nggida va ikkinchi taym boshida himoyadagi xatolar tufayli ketma-ket gollar o'tkazdik. Bir qator yosh futbolchilarni maydonga tushirdik va o'yinimizda tezlik paydo bo'ldi. Hisobni 1:4dan 4:4 qila oldik, afsuski so'nggi daqiqada himoyadan hujumga o'tishda to'pni yo'qotdik va penaltidan gol o'tkazib yubordik.
Futbolchilarning tajribasi etishmayapti, qaerdadir o'yinni boshqarish kerak edi. Hech qisi yo'q, mana shunday o'yinlar orqali yigitlarimiz tajriba to'plashadi. Bu kelajakda as qotadi.
Birinchi golda darvozabonimizning xatosi bo'ldi, ikkinchi golda esa uning aybi yo'q edi menimcha. Oybek Abdug'afforov va Tijani Belaid raqamli futbolchilarimizda harakat kam edi. Balki o'zgarishlarni kechiktirgandirmiz. Mana shunday o'yinlar orqali kimning mahorat qanday darajada ekani ko'rinadi. Bunday xatolar Qirg'iziston chempionatida balki kechirilar, ammo xalqaro musobaqada kechirilmaydi.
Tunislik Tijani Belaid almashtirilganidan keyin o'zini juda yomon tutdi. Bu harakati uchun klubimiz tomonidan keskin jazoga tortilishi aniq. Futbolchi murabbiylar shtabiga nisbatan hurmatsizlik qilmasligi shart. SHunchaki u o'yinni tark etganida hisob qanday ediyu, u maydonni tark etgach hisob qanday bo'lganini futbolchining o'ziga eslataman", - deydi No'monjon Yusupov.
Bosh sahifaga
142