Eshitdik-da. Yoz faslida Superliganing 4 ta stadioni o'yinlardan mahrum qilinishi mumkin

Manbaning qayd etishicha, PFL o'tgan yilning iyun oyidan boshlab klublar bilan projektor masalasida ishlab keladi va 2021 yilning may oyiga qadar Superliganing barcha klubi bu muammoni bartaraf etishi kerak edi.

SHunga qaramay, “Surxon”, “Qo'qon-1912”, “Mashal” va “Andijon” klublari talabni bajarmagan.

PFL yoz oyida yuqoridagi 4 ta klubning uy uchrashuvlarini bekor qilish yuzasidan O'FAga taklif kiritgan va bosh tashkilot buni maqullagan. Aytilishicha, bu holat stadionga tashrif buyuruvchi futbol muxlislari va maydonda to'p tepadigan futbolchilar sog'lig'i masalasida muhim ahamiyat kasb etadi. PFL qoshida tashkil etilgan maxsus komissiya ham bu borada o'z xulosasini bergan. Qayd etilishicha, o'tgan yil davomida xohish bo'lsa, barcha klublar projektorni yaxshilab ulgurishi kerak edi. Ammo ular na o'z futbolchilarini va na muxlislarini o'ylamoqda.

2022 yilgi mavsumdan boshlab esa Superliganing barcha klubi sifatli projektorga ega bo'lishi shart, bu PFL rejasidan joy olgan. Bu talabni bajarmagan klublarga nafaqat yoz, balki bahordan boshlab uy uchrashuvlarini o'tkazish taqiqlanadi. 2022 yilning ikkinchi yarmiga qadar esa Pro liga stadionlarida ham yoritish uskunalari yaxshilanadi.