"Guruhdagi so'nggi o'yinda barchasini hal bo'ladi. Bizni faqat g'alaba qoniqtiradi, shunday ekan g'alaba uchun o'ynaymiz. O'yin qanday bo'lishini ertaga ko'ramiz", - deydi Yazguli Xojageldiev.
"Biz ertangi g'alaba qanchalik muhimligini bilamiz. G'alaba uchun oxirigacha kurashamiz, barcha bizdan g'alaba kutmoqda", - deydi Ahmet Ataev.
- "Oltin Asr" birinchi o'yinda 9 kishi bo'lib 11 futbolchiga qarshi o'ynay olishini isbotlay oldi. Ikkinchi turda esa "triller" bo'ldi. Sizning jamoaingizga hurmatim baland, lekin negadir o'zingizga o'zingiz qiyinchilik tug'dirasiz va undan chiqib ketishga harakat qilayapsiz. "Nasaf" shunday jamoaki xatolarni kechirmaydi...
- SHunday o'yinlar bo'ladi, undan oldin hech nima demasa ham bo'ladi, ertangi bahs mana shunday. Barcha futbolchilar uning ahamiyatini tushunib turibdi. Yoki qaysidir o'yinlarda qancha gapirsangiz ham foydasi yo'q. Jamoamizda o'yin amaliyoti yo'q edi, "Oloy" bilan bahsda yigitlar erta g'alabani nishonlab yuborishdi. Yaxshiki so'nggi daqiqalarda penaltidan gol urib yutdik.
- Ertaga sizlarni faqat g'alaba qoniqtiradi, "Nasaf"ga esa durang ham etadi. SHundan kelib chiqib ertaga hujumkor o'ynaysizlarmi yoki himoyaviy?
- Albatta g'alaba uchun hujum qilish kerak. Ammo o'yin vaziyatlaridan kelib chiqib o'ynaymiz. "Nasaf"ni durang qoniqtiradi, ammo bu unchalik katta ustunlik emas. Ertaga o'yinda ko'rasizlar barchasini.
- "Xo'jand" bilan o'yinda ikki futbolchi qizil kartochka olgandi. Ulardan biri ikkita sariq kartochka olib maydonni tark etgani uchun ertaga o'ynay oladi. Uni "Nasaf" bilan bahsda ko'ramizmi yoki qandaydir jazo berdingizmi?
- Yo'q, hech qanday jazo bermadik. Lekin ertaga u tushadimi yo'qmi ayta olmayman.
- Qisqa muddatli musobaqalarda ikkita o'yinga diskvalifikaciya qilish anchayin jiddiy jazo emasmi?
- Biz o'tgan narsalarni muhokama qilishga emas ertangi bahs haqida gaplashishga to'plandik. Bu qoidani biz o'ylab topmaganmiz.
Bosh sahifaga
100