"Turnir jadvalida egallab turgan o'rnimiz hech narsani anglatmaydi. Biz uchun musobaqani yaxshi kayfiyat bilan yakunlash imkoniyati bor. Ijobiy natija uchun harakat qilamiz".
- Ushbu bahs hech narsani anglatmasligini aytdingiz. "Xo'jand"ning OFK kubogidagi ishtiroki nima uchun omadsiz chiqdi?
- OFK kubogida yaxshi ishtirok etishni, guruhdan chiqishni rejalashtirgandik. "Nasaf" bilan bahs hal qiluvchi bo'ldi. Raqib bizdan kuchliroq ekani bilindi. OFK kubogida avval ham ishtirok etgan tarkibdan hozirda faqat Firdavs CHakalov, Dilshod Bozorov qolgan. Boshqalar bunday tajriba yo'q.
- Jamoaning muvaffaqiyatsizligida asosiy sabab nima va aybor kim? Ijtimoiy tarmoqlarda bu borada ko'p fikrlar yangramoqda...
- Ijtimoiy tarmoqlarda fikrlar bo'lishi tabiiy. Birinchi uchrashuvda yomon o'ynamagandik. Vaziyatlardan foydalanishda oqsadik xolos. Jamoadagi ayrim futbolchilarga tajriba etishmayapti. Buni bosh murabbiy sifatida aytyapman. Hozir kimnidir aybdorga chiqarish niyatim yo'q.
- Ertangi o'yin oldidan futbolchilarda g'alaba uchun stimul bormi?
- Ha, albatta. O'yinni ahamiyati shundaki, guruh bosqichini munosib tarzda yakunlashimiz kerak. Hayot davom etadi. Oldinda bizni chempionat bahslari kutmoqda. O'z o'yinimizni ko'rsatib maqsadimiz sari intilib boramiz.
- Jamoada moliyaviy muammolar bormi? Transferlar oynasi vaqtida yangi futbolchi olinmagani nimaga bog'liq?
- Klub barchasini qilmoqda. Kichik muammolar yo'q emas. Selekciya ishlari davom etyapti. Bizda o'ynashga tayyor bo'lgan futbolchilarni o'z tarkibimizga olishga tayyormiz. Biz kuchli futbolchi yoki legionerni oladigan top jamoa emasmiz. Tarkibni imkoniyatimizdan kelib chiqib shakllantirganmiz. Tojiktiston terma jamoasiga nomzod ikki nafar futbolchimiz bor. Yoshlar uchun ushbu musobaqa katta tajriba bo'lyapti.
Bosh sahifaga
343