"Ertangi o'yinga o'z rejamiz bor. Raqib yaxshi va tanish jamoa. Ularning ikki o'yinini ko'rib chiqdik. Ijobiy natijani qo'lga kiritishga urinib ko'ramiz. Birinchi o'yinda rejalarimiz amalga oshmadi. Ikkinchi o'yinda esa yigitlar harakatlariga temp qo'shishdi. Muxlislarimiz bizdan g'alaba kutishmoqda".
- Aytganingizdek, dastlabki turda jamoa yirik hisobda mag'lub bo'ldi. Ikkinchi uchrashuvda esa futbolchilar xarakter ko'rsata oldi: 4ta gol urdi, lekin 5ta gol o'tkazib yubordi. Ertangi bahsdan nima kutish mumkin?
- "Oloy" tarkibidagi ko'p futbolchilar yangi. Yosh futbolchilar ham bor. 2-3 nafar tajribali futbolchilarimiz bizga yordam berishi kutilgandi. Biroq, bu bahona bo'lmasligi kerak. Ertaga tarkibda rotaciyalarni amalga oshiramiz. Kim yutishini o'yin ko'rsatadi. Bir-biriga munosib jamoalar to'qnash keladi. O'ylaymanki, ortimizga yaxshi kayfiyat qaytamiz.
- O'z vaqtida "Xo'jand"da faoliyat olib borgansiz. Ertaga jamoangizdan muxlislarbop va chiroyli futbol kutsak bo'ladimi? CHunki durang ham ikki jamoani qoniqtirishi mumkin...
- Ikki jamoa ham musobaqani ko'tarinki ruhda yakunlash uchun g'alaba qozonishga harakat qiladi. Ertaga hujumkor futbol ko'rsatamiz.
- Faoliyatingizni "Oloy"da davom ettirasizmi yoki boshqa klublardan takliflar bormi?
- Klub bilan yil yakuniga qadar shartnomam bor. Takliflar har doim bo'lgan. Musobaqadan so'ng rahbariyat qanday qaror qabul qilishiga ham ko'p narsa bog'liq. Qaysi klubda ishlagan bo'lsam sharoitlar yaxshi bo'lgan. Muammo yo'q. Ishlashda davom etyapmiz. "Xo'jand"ga qarshi o'yindan oldin hissiyotlar bo'lishi tabbiy. To'rt yilga yaqin vaqt davomida bu klubda ishlaganman. Muxlislarga, rahbariyatga omad tilayman.
- O'tgan o'yinda o'zini yomon tutgan futbolchiga nisbatan chora ko'rildimi?
- Kiyinish xonasida konflikt bo'lmadi. Jiddiy chora ko'rildi. Jazo qo'llanildi. Munosabatlar yomon ko'rinish olmagan. Xalqaro o'yinlarni barcha tomosha qiladi. Bu jamoamizning yuzi.
143816167739630 
Bosh sahifaga
84
25 Noyabr 2025, 12:27