"Bosim juda yuqori ekan". Quvondiq Ro'zievning "Navbahor"ga moslashish jarayoni qanday ketyapti?

- "Navbahor" shu vaqtgacha Toshkentda "Bunyodkor"ni mag'lub etmagan. Bugun bu ananaga chek qo'yilishi mumkin edimi?

- Avvalambor, muxlislarga qo'llab-quvvatlashgani uchun rahmat aytaman. Mazkur nohush annaga chek qo'yishimiz mumkin edi. "Bunyodkor" qisqa paslar bilan o'yin nazoratini qo'lga olishini bilardik. Raqibni qarshi hujumda "ushlashni" reja qilgandik. Qaysidir manoda imkoniyatlarimiz ham bo'ldi. SHunchaki, foydalana olmadik. Bunday o'yinlarda bittagina gol ko'p narsani hal qilib yuboradi. SHuni aytishim kerakki, yutqazishimiz yoki yutib ketishimiz mumkin edi. Qiyin vaziyatlarda darvozabonimiz qutqardi. 

- Jamoada hujumni boshlash zonasida kamchiliklar ko'zga tashlandi. Bitta pas bilan hujum boshlaydigan futbolchi etishmagandek bo'ldi...

- Nima desam bo'ladi, menimcha hujumda vaziyatlardan foydalanish koefficienti bizda kamroq bo'lyapti. Himoya va yarim himoya o'rtasida jiddiy muammo yo'q. Avvalgi uchrashuvlarga qaraganda asta-sekin o'yinimiz o'syapti. Jamoaviy o'yin masalasida harakatlarimiz qovushmoqda.

- "Navbahor"ga moslashish jarayoningiz qanday ketyapti? Balki, kuchli bosim to'sqinlik qilayotgandir...

- Gapingizga yuz foiz qo'shilaman. Bosimga dosh bera olaman, deb o'ylagandim. Biroq bosim bu erda men o'ylaganimdan ham kuchliroq ekan. "Qo'qon-1912"da yarim yil zaxirada o'tirganman. Jamoaga sekin moslashganman. "Navbahor"da ham shu narsa ko'zga tashlanyapti. Ayrim vaziyatlarda futbolchilarni, bevosita yonimda birga o'ynaydigan yarim himoyachilarni to'liq tushunib olganimcha yo'q. Tarkibga nazar solsangiz, faqat men yangi kelganlardan hisoblanaman. O'n kishi o'tgan yili to'p tepgan. SHu bois o'zaro tushunib ketishga vaqt kerak bo'lyapti.